Ɛzra 4:4 - EBƆRƐ BE KAWƆL

⁴ Ndoŋ nna nɛ Judaebi be bechenashapoana na fara a funti bumo a fin kananɛ baaŋ wora m pɔ Judaebi na aba nseŋ shin nɛ kufu a pɛ bumo nɛ b yige lambu na be kelɔŋɛ m pɔr.

Ɛzra 4:4 ပူးပေါင်းရင်းမြစ်များ

2 Samuɛl 4:1

Sɔɔl pibinyɛn Ishboshɛf ka nu fanɛ b mɔ Abna ashi Hibrɔn, nɛ mbe aba pɔ mo nɛ keyeŋiyeŋi tɔr Israɛlebi na malɛ gba so.

Ɛzra 3:3

Kufu nɛ k daa wɔ bumo to ŋkpal basa nɛ b kulti bumo na kikɛ be kaman, b daŋ pɔr bɔrɛsure na n yili kumo be gbaltɔlase dra na so nna. Kapa nɛ kanyɛ kikɛ b daa lara esarga bɔrɛsure na so nna a sa Ebɔrɛ.

Ɛzra 4:5

Nɛ b ya ber Pɛshiya be gomena be benimu ko paa fanɛ b ba funti Judaebi na n lara bumo lambu na be kapɔr to. Ewura Sairus be jemanɛ so nɛ b keta kumo loŋ hale m ba fo ewura Dariɔs be jemanɛ so.

Nehemaya 4:11

An doŋana malɛ daŋ naa kaŋɛ le nna: “Pɔɛŋ nɛ Jerusalɛm be basa ere e pin kusɔ nɛ k bee wora na, nɛ an ŋana n ya mɔ bumo kikɛ nɛ bumo be kushuŋ na e ba ekar.”

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Danɛl 10:13

Ama Pɛshiya be efuli so be kedimagboŋ na daŋ kuŋ ma ekpa nna nchɛ adunyɔ nɛ kako kikɛ. Ndoŋ nna nɛ Maikel, nɛ e la malaika nimuso na, ba chɛ ma to, ŋkpal manɛ so n nawule e daa wɔ Pɛshiya.

Danɛl 10:20

Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.