Ɛzra 4:24 - EBƆRƐ BE KAWƆL

²⁴ Ndoŋ nna nɛ bɔrɛlambu na be kapɔr na shir n yili loŋ hale n ya fo Pɛshiya be ewurgboŋ Dariɔs be kuwurji be kafɛ nyɔsopo to.

Ɛzra 4:24 ပူးပေါင်းရင်းမြစ်များ

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Ɛzra 4:23

B ka kraŋ ewurgboŋ Atazɛzɛs be kawɔl na n sa Rehum nɛ Shimshayi nɛ bumo braana na nɛ b wora manaŋ n ya tintiŋ Juwebi nɛ b wɔ Jerusalɛm to na fanɛ b yige kade na be kelɔŋɛ m pɔr.

Ɛzra 4:5

Nɛ b ya ber Pɛshiya be gomena be benimu ko paa fanɛ b ba funti Judaebi na n lara bumo lambu na be kapɔr to. Ewura Sairus be jemanɛ so nɛ b keta kumo loŋ hale m ba fo ewura Dariɔs be jemanɛ so.

Ɛzra 5:1

Heegai nɛ Iddo pibinyɛn, Zakareya, nɛ b daa la anebiana na daŋ bɔla Israɛl be Ebɔrɛ nɛ e bee keni bumo so na be ketre so nna m malga n sa Juwebi nɛ b daa wɔ Juda be efuli so nɛ Jerusalɛm to na.

Ɛzra 5:5

Ama ŋkpal Ebɔrɛ ka daa keni Israɛl be benimuana na so so, Pɛshiya be benimuana na daŋ maŋ tiŋ n ju bumo kapɔr na be kushuŋ to. B daa sha kesibɛ kawɔl nna n sa ewurgboŋ Dariɔs nseŋ nu kusɔ nɛ e beeŋ kaŋɛ pɔɛŋ.

Ɛzra 6:1

Nɛ Ewurgboŋ Dariɔs kaŋɛ fanɛ b keni Babilɔn be bewura be adrasheŋ be nwɔl to, nɛ b wora loŋ.

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Ɛzra 6:15

Ewurgboŋ Dariɔs ka ji kuwura be kafɛ shesopo be kufɔl nɛ Juwebi bee tre Ada na be nchɛ asa to nɛ b pɔr bɔrɛlambu na n loge. Ada la Hibruwebi be kafɛ to be kufɔl kuduanyɔsopo nna.

Nehemaya 6:3

Nɛ ma alɛ shuŋi mbɔ ŋ kaŋɛ bumo le: “Ŋ kɔ kushuŋ kpakpaso nna a wora, amoso m maaŋ tiŋ n yɔ ndoŋ. M maaŋ tiŋ ŋkpal ma nɛ menyi be kewu abar so n yige kushuŋ ere.”

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Job be kawɔl 20:5

basa lubi be kagbenefuli maa chɛr.

Danɛl 11:2

Kusɔ nɛ mee shin nɛ ŋ kaŋɛ fo naniere malɛ la kashenteŋ nna. Bewura asa e kraa beeŋ ba ji kuwura ashi Pɛshiya be efuli so pɔɛŋ nɛ enasopo nɛ e kɔ dama a chɔ bumo kikɛ e ba bɛ so. Mbe kedamaya na beeŋ sa mo eleŋ ga hale nɛ e ta basa kikɛ nɛ Griis be efuli be basa be amu ŋ ŋmɛa abar.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Heegai 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl shesopo be kachɛ juŋkparso to, nɛ Enyɛnpe Ebɔrɛ bɔla anebi Heegai so m malga. Kubɔya na daa yɔ Juda be efuli so be gomena, Zerubabel nɛ e la Shealtiɛl pibinyɛn na nɛ bɔrɛmatapo nimuso Joshuwa, nɛ e la Jehozadak pibinyɛn na kutɔ nna.

Heegai 1:15

Ewurgboŋ Dariɔs ka ji Pɛshiya be efuli so be kuwura na be kafɛ nyɔsopo to be kufɔl shesopo to be kachɛ adunyɔ nɛ ana nɛ b fara kushuŋ na.

Heegai 2:15

Ade be kaman nɛ Enyɛnpe Ebɔrɛ na naŋ kaŋɛ: “Menyi maŋ wu kusɔ nɛ k wora menyi na a? Pɔɛŋ nɛ men fara bɔrɛlambu na be kelɔŋɛ m pɔr

Heegai 2:18

Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to.

Zakareya 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl burwasopo to nɛ Enyɛnpe Ebɔrɛ na ta kubɔya ere n sa anebi Zakareya nɛ e la Berekia pibinyɛn nsaa la Ido mo nanabi na.

1 Tɛsalɔnikaebi 2:18

An daa naa sha kenaŋ bɛta n yɔ menyi kutɔ nna, ama Setani maŋ yige anyi kikɛ. Ma Pɔɔl gbagba fin ekpa kanaŋkama ŋ gben.