Ɛzra 4:20 - EBƆRƐ BE KAWƆL

²⁰ Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Ɛzra 4:20 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

1 Bewura 4:24

Ewura Sɔlɔmɔn e daa ji yili Yufreetes be Lɔr na be epeŋilarkpa be kaba so be kasawule nɛ k yili Tipsa n ya fo Gaaza nɛ k wɔ epeŋitɔrkpa be kaba so na so kuwura. Bewura nɛ b daa wɔ Yufreetes be epeŋitɔrkpa be kaba so na daa shuŋ mo nna nɛ kayurwushi daa wɔ mo nɛ bumo nɛ mbe bechenashapoana be kefɛato.

1 Bewura 5:1

Ewura Deevid mo teri kpakpaso e daa la Hiram nɛ e la Tayɛ be kade be ewura na, amoso e ka nu fanɛ Sɔlɔmɔn e sɔ mo tuto so n ji kuwura, nɛ e shuŋi mbe benimu fanɛ b ya chɔrɔ mo.

1 Bewura 5:4

Naniere bre Enyɛnpe Ebɔrɛ bar kayurwushi ashi ma kasawule so kikɛ. Bedoŋ na kikɛ maŋ naa wɔtɔ, amoso kayurwushi ba.

1 Kronikɛls 18:13

E daŋ wora benapo be echenakpaana nna ashi Edɔm be efuli so kikɛ nna n shin nɛ basa nɛ b wɔ ndoŋ na kikɛ sɔ ewura Deevid ŋ ki bumo be ewura. Kaplɛkama malɛ nɛ ewura Deevid daŋ yɔ, Enyɛnpe Ebɔrɛ na daa shin nna nɛ e bee kɔ a pɔɔ so.

1 Kronikɛls 18:3

Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

1 Kronikɛls 18:6

Kede be kaman nɛ Deevid shin nɛ mbe benapo na be beko chena Damaskɔs n shin nɛ Siriyaebi na sɔ Deevid ŋ ki bumo be ewura a ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nɛ e bee kɔ a pɔɔ so nna.

1 Kronikɛls 19:19

Bewura mo nɛ b daa bɛ ewura Hadadeza so na ka pin fanɛ Israɛlebi na pɔɔ bumo so nɛ b fara a fin kagbenewushi ewura Deevid kutɔ, hale n shin nɛ e ki bumo be ewura. Kumo be kaman nɛ Siriyaebi na kini fanɛ b maaŋ naŋ chɛ Ammɔnebi na to kikɛ.

2 Kronikɛls 17:11

Filistiebi na be beko daŋ ta gbiti damta nɛ ŋkɛ ko nna m ba sa ewura Jehoshafat a ŋini fanɛ b sɔ mo ŋ ki bumo be ewura. Nlɔrbu ko gba daŋ ta mbolpɔ ŋgboŋ ashunu nɛ alfa ashunu nɛ mboe ŋgboŋ ashunu nɛ alfa ashunu nna m ba sa mo.

2 Kronikɛls 9:14

Ama eyawujipo nɛ benitepo be asɔ nɛ baa sa mo bre maŋ ti so. Areebia be efuli so be bewura nɛ Israɛl be efuli so be abonfu to be gomena be benimu gba daa sa mo gbiti nɛ shuwa nna.

Ɛzra 4:13

Yiramu, nɛ basa ere baŋ lɔŋɛ kade ere m pɔr nɛ kumo be egbalana kikɛ yili, kumo ere b maaŋ naŋ ka lampo ŋko toto kikɛ n sa ewura. Loŋ malɛ beeŋ shin nɛ ewura be kpanjawu to be amansherbi a duga so.

Ɛzra 4:16

Yiramu, anyee sha fo baa nyi fanɛ nɛ b baŋ lɔŋɛ kade ere m pɔr, kumo ere shɛŋ maaŋ naa shi Yufreetes be epeŋitɔrkpa a ba fo kutɔ.’ ”

Ɛzra 4:19

Nɛ n shin nɛ b keni asheŋ na to nseŋ wu fanɛ kashenteŋ nɛ kade na la kade lubi dra dra kikɛ. B daa maa sa bewura kashuli. Bumo alɛ daa kɔ keŋkenshi nɛ kagbene kpakpaso ga.

Ɛzra 4:21

Men sa basa na ebɔl fanɛ b yige kade na be kelɔŋɛ m pɔr na n ya fo fanɛ ŋ ka beeŋ naŋ sa bumo ekpa.

Ɛzra 7:24

A maŋ daga fanɛ b tu bɔrɛmatapoana na nɛ Livaiebi na nɛ beshɛbompo na nɛ mbunagboŋ kenipoana na nɛ bekama nɛ baa shuŋ bɔrɛlambu na to na kikɛ n sɔ toto be yiri kikɛ.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Ezikɛl 19:11

Kumo be ayabi daa kɔ eleŋ nna, nseŋ daa walɛ keku n wora kuwurkpabi. K daŋ daŋ n yɔ awɔlto a chɔ ndibi nɛ a ka na kikɛ nna. Ekama daŋ wu kumo be nteŋ nɛ ayabi damta.

Matiu 9:9

Kede be kaman nɛ Yesu lar ndoŋ a yɔ n ya wu lamposɔpo nɛ baa tre Matiu na nɛ e tase mbe eshuŋkpa nɛ Yesu kaŋɛ mo: “Bɛ ma so.” Nɛ Matiu koso m bɛ mo so.