Ɛzra 4:15 - EBƆRƐ BE KAWƆL

¹⁵ nɛ fo shin nɛ b keni fo nananyɛnana nɛ fo tutoana be nwɔl nɛ a dese na to. Feeŋ wu fanɛ le be kade ere la kade lubi nna nɛ k bee bar etɔrɔ bewura so. Kusɔ nɛ k bar kumo be kemur nna na.

Ɛzra 4:15 ပူးပေါင်းရင်းမြစ်များ

2 Bewura 24:20

Ewura Zɛdikaya daŋ wora kusoe kpakpaso nna nseŋ kini kenu n sa Babilɔn be ewura Nebukadneeza. Enyɛnpe Ebɔrɛ na malɛ daŋ nya agbo ga nna n wɔtɔ Juda nɛ Jerusalɛm be basa nseŋ pal kaman n sa bumo. Amoso nɛ asheŋ lubi bee tu bumo na.

2 Bewura 25:4

Loŋ be kafɛ na to nɛ Babilɔn be benapo na daŋ bure kade na be egbal n luri kade na to, nɛ ewura Zɛdikaya nɛ mbe benapo shile m bɔla kabunabi nɛ k wɔ kade na be egbal anyɔ be kefɛato a mata bewura be kambɔl na n sɔ Jɔɔdan be lɔr na be ketaŋɛ to be kaba so.

Ɛzra 4:12

‘Yiramu, anyee sha fo pin fanɛ Juwebi nɛ b shi fo kutɔ m ba anyi kutɔ nfe na yɔ Jerusalɛm nna n ya kaa lɔŋɛ kade lubi nɛ k maŋ kɔ kasonu na a pɔr. B tiŋ n fara a pɔr kumo be egbalana nsaa lɔŋɛ kumo be gbaltɔlaseana gba. K maaŋ chɛr baaŋ pɔr kumo n loge.

Ɛzra 4:14

Ŋkpal fo ka wɔ anyi a keni so nɛ anyi alɛ maa sha ewura ka ji nyɔmɔ so nɛ anyee sibɛ fo kawɔl ere na

Ɛzra 4:16

Yiramu, anyee sha fo baa nyi fanɛ nɛ b baŋ lɔŋɛ kade ere m pɔr, kumo ere shɛŋ maaŋ naa shi Yufreetes be epeŋitɔrkpa a ba fo kutɔ.’ ”

Nehemaya 2:19

Sanballat nɛ Tobaya nɛ kalɔrbunyɛn ko nɛ baa tre mo Gɛshem ka nu kusɔ nɛ an kre kewora na be asheŋ nɛ b mushe anyi ga nseŋ kaŋɛ: “Manɛ nɛ menyee fɛ fanɛ menyee wora ere? Menyee sha kelɔŋɛ kadegboŋ na be egbalana nna m pɔr nseŋ lar ewura kaman ŋ kɔ mo kena, ŋko?”

Nehemaya 6:6

Le nɛ kawɔl na bee kaŋɛ: “Geshɛm kaŋɛ ma fanɛ basa bee kuli a malga asheŋ ko a kaŋɛ fanɛ fo nɛ fo basa bee kre anyi nia nna nɛ men lar Pɛshiya be efuli so be ewurgboŋ na kaman. Aloŋ malɛ so nɛ fee lɔŋɛ a pɔr egbal na. Mo alɛ naa kaŋɛ gba fanɛ fee sha keta fo kumu nna ŋ ki Jerusalɛm be ewura.

Ɛsta 2:23

B ka lara basa nɛ b lege kesheŋ na to n ya wu fanɛ k la kashenteŋ nna nɛ b chɛ basa anyɔ na efɔl n shiga ndibi so. Ndoŋ nna nɛ ewura na shin nɛ b yili mbe anishi to n sibɛ loŋ be kesheŋ na n wɔtɔ bumo be adrasheŋ be nwɔl to nɛ k baa la kanyiŋi.