Ɛzra 4:12 - EBƆRƐ BE KAWƆL

¹² ‘Yiramu, anyee sha fo pin fanɛ Juwebi nɛ b shi fo kutɔ m ba anyi kutɔ nfe na yɔ Jerusalɛm nna n ya kaa lɔŋɛ kade lubi nɛ k maŋ kɔ kasonu na a pɔr. B tiŋ n fara a pɔr kumo be egbalana nsaa lɔŋɛ kumo be gbaltɔlaseana gba. K maaŋ chɛr baaŋ pɔr kumo n loge.

Ɛzra 4:12 ပူးပေါင်းရင်းမြစ်များ

2 Bewura 18:20

Nseŋ naŋ kaŋɛ le: “Ŋko e bee fɛ fanɛ e beeŋ tiŋ n yili kɔnɔ to be mmalga nawule so nna ŋ kre kena ŋ kɔ m pɔɔ so a? Naniere ere e ka lar Asiriya be ewura kaman ere, wanɛ e naaŋ chɛ mo to?

2 Bewura 24:1

Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

Ɛzra 4:11

Ewurgboŋ Atazɛzɛs, fo nyɛrbi nɛ fo basa nɛ b chena lɔrgboŋ nɛ baa tre Yufreetes na be epeŋitɔrkpa be kasawule so na e naa sibɛ fo kawɔl ere:

Ɛzra 4:15

nɛ fo shin nɛ b keni fo nananyɛnana nɛ fo tutoana be nwɔl nɛ a dese na to. Feeŋ wu fanɛ le be kade ere la kade lubi nna nɛ k bee bar etɔrɔ bewura so. Kusɔ nɛ k bar kumo be kemur nna na.

Ɛzra 4:19

Nɛ n shin nɛ b keni asheŋ na to nseŋ wu fanɛ kashenteŋ nɛ kade na la kade lubi dra dra kikɛ. B daa maa sa bewura kashuli. Bumo alɛ daa kɔ keŋkenshi nɛ kagbene kpakpaso ga.

Ɛzra 5:3

Ndoŋ nna nɛ lɔrgboŋ nɛ baa tre Yufreetes na be epeŋitɔrkpa be kasawule so be gomena, Tatɛnayi, nɛ Shɛta Bozenayi nɛ bumo braana yɔ bumo kutɔ n ya bishi bumo le: “Wanɛ e sa menyi ekpa fanɛ men lɔŋɛ bɔrɛlambu ere m pɔr?”

Ɛzra 5:9

Ndoŋ nna nɛ an bishi benimuana na fanɛ wanɛ e sa bumo ekpa fanɛ b lɔŋɛ bɔrɛlambu na m pɔr?

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nehemaya 6:6

Le nɛ kawɔl na bee kaŋɛ: “Geshɛm kaŋɛ ma fanɛ basa bee kuli a malga asheŋ ko a kaŋɛ fanɛ fo nɛ fo basa bee kre anyi nia nna nɛ men lar Pɛshiya be efuli so be ewurgboŋ na kaman. Aloŋ malɛ so nɛ fee lɔŋɛ a pɔr egbal na. Mo alɛ naa kaŋɛ gba fanɛ fee sha keta fo kumu nna ŋ ki Jerusalɛm be ewura.

Ɛsta 3:8

Ndoŋ nna nɛ Heman kaŋɛ ewura Sɛgsis le: “Yiri ko ebi salga to m bɔlɔ fo efuli ere kikɛ so. Bumo alɛ be daŋkare kɔr basa kama peya to. B maa bɛ efuli ere be mbra gba so, amoso m baa nyi geeŋ fanɛ nɛ fo yige bumo, k maaŋ chɛ fo to.

Jɛremaya 52:3

Ewura Zɛdikaya daŋ lar Babilɔn be Ewura Nebukadneeza kaman nna nseŋ wora mo kusoe kpakpaso. Enyɛnpe Ebɔrɛ na daŋ nya agbo ga nna n wɔtɔ Juda nɛ Jerusalɛm be basa nseŋ kilgi kaman n sa bumo. Amoso nɛ e shin nɛ asheŋ lubi bee tu bumo na.

Danɛl 3:8

Ndoŋ nna nɛ Babilɔnebi na be beko bɔla kumo so a wu Juwebi na kulubi.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ashuŋ Shunso 24:5

An wu fanɛ kanyɛn ere la esa lubi nɛ kabɔlarwura nna. E wɔtɔ nna a yɔ kaplɛkama n ya kaa ta Juwebi a wɔtɔ kebagato to nseŋ naa la basa nɛ baa tre bumo be amu Nazarinebi be katuŋ na to be enimu.

1 Tɛsalɔnikaebi 5:22

m barga menyi be amu ashi kulubi be yiri kikɛ to.