Ɛzra 3:9 - EBƆRƐ BE KAWƆL

⁹ Joshuwa nɛ mo bibinyɛn nɛ mo kurgepoana nɛ Kadmiɛl nɛ mo bibinyɛn, nɛ b la Hodaviya be kaman to ebi na, n ta Hɛnadad nɛ mo bibinyɛn nɛ mo kurgepoana nɛ bumo kikɛ shi Livai be kabuna na e daŋ ber abar so a keni basa nɛ baa pɔr Ebɔrɛ be lambu na so.

Ɛzra 3:9 ပူးပေါင်းရင်းမြစ်များ

1 Kronikɛls 23:4

E daŋ shin nna nɛ Livaiebi na be basa ŋgboŋ adunyɔ nɛ ana bee shuŋ bɔrɛlambu na to nɛ basa ŋgboŋ ashe malɛ la nwɔlsibɛpoana nɛ demujipoana,

2 Kronikɛls 34:12

Basa nɛ b daŋ shuŋ kushuŋ na daŋ ji kashenteŋ ga. Livai be basa ana e daa keni bumo so. Basa ana na e daa la Jahaf nɛ Obadaya nɛ b shi Mɛrari be kabuna na, nɛ Zakareya nɛ Meshulam nɛ b shi Kohaf be kabuna na. Livaiebi ko malɛ nɛ b nyi nshɛ be keboŋ ga na

Ɛzra 2:40

Livai be kabuna ebi nɛ b bɛta m ba nde: Joshuwa nɛ Kadmiɛl nɛ b shi Hodaviya be kanaŋ to be kaman to ebi daa la basa adushunu nɛ ana.

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Nehemaya 3:24

Nɛ Henadad pibinyɛn Biniyu malɛ lɔŋɛ m pɔr egbal na be kaba nɛ k bɛ so nsaa wɔ yili Azariya be laŋ ase hale n ya fo kakpa nɛ b gbɛ egbal na.

Nehemaya 7:43

Livaiebi be mbunaebi nɛ bumo alɛ gba bɛta m ba nde. Joshuwa nɛ Kadmiɛl nɛ b la Hodeva be kaman to ebi be mbunaebi daa la basa adushunu nɛ ana nna. Bɔrɛlambu to be Nshɛbompoana nɛ b la Asaf be kaman to ebi daa la basa kalfa nɛ adena nɛ aburwa nna. Bɔrɛlambu to be bekumpo nɛ b la Shalum nɛ Atɛ nɛ Talmɔn nɛ Akuub nɛ Hatita nɛ Shobayi be kamanebi na be kabuna ebi daa la basa kalfa nɛ adesa nɛ aburwa nna.