Ɛzra 3:6 - EBƆRƐ BE KAWƆL

⁶ Kufɔl shunusopo na be kachɛ juŋkparso na nɛ b fara sarga chɔɔso be kelara n sa Enyɛnpe Ebɔrɛ na, ama loŋ be jemanɛ na nɛ b maŋ naŋ tɔl Enyɛnpe Ebɔrɛ na be bɔrɛlambu na be gbaltɔlase gba.

Ɛzra 3:6 ပူးပေါင်းရင်းမြစ်များ

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Levitikɔs 23:24

e kaŋɛ Israɛlebi na le: “A daga fanɛ men wushi kufɔl shunusopo na to be kachɛ juŋkparso na. Men kaŋ nu mbel be kushu nɛ men shɛr abar so m bunyaŋ Enyɛnpe Ebɔrɛ na.

Levitikɔs 23:25

Men sa maŋ kaŋ shuŋ menyi be karechɛ kikɛ be ashuŋ nɛ menyee kaa shuŋ na be kekama loŋ be kachɛ na, ama kelara sarga n sa Enyɛnpe Ebɔrɛ na nawule.

Nɔmbɛs 29:1

“Kufɔl shunusopo to be kachɛ juŋkparso na, ekama e sa maŋ shuŋ kushuŋ kikɛ. Men shɛr n foŋ mbel m bunyaŋ Enyɛnpe Ebɔrɛ kumo be kamɔnchɛ.

Nɔmbɛs 29:2

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.