Ɛzra 3:5 - EBƆRƐ BE KAWƆL

⁵ Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Ɛzra 3:5 ပူးပေါင်းရင်းမြစ်များ

2 Kronikɛls 31:14

Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

Ɛzra 3:6

Kufɔl shunusopo na be kachɛ juŋkparso na nɛ b fara sarga chɔɔso be kelara n sa Enyɛnpe Ebɔrɛ na, ama loŋ be jemanɛ na nɛ b maŋ naŋ tɔl Enyɛnpe Ebɔrɛ na be bɔrɛlambu na be gbaltɔlase gba.

Nehemaya 10:34

Anyi alɛ naŋ yili kumo fanɛ kafɛ kikɛ bɔrɛmatapoana na nɛ Livaiebi nɛ basa na to be bebɔlpo na be nnaŋ to be basa beeŋ baa bar ndibi puga edɛ bɔrɛlambu na to nna, saŋɛ na so baaŋ tiŋ a lara esarga bɔrɛsure na so, fanɛ kananɛ Enyɛnpe Ebɔrɛ na yili kumo na.

Jɛremaya 33:18

nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Levitikɔs 1:2

“Kaŋɛ Israɛl be basa na fanɛ nɛ ekama baa bar sarga nɛ e ba sa Enyɛnpe Ebɔrɛ na, e bar kena ŋko kubolpɔ ŋko kaboe.”

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 23:2

e kaŋɛ Israɛl be basa na le: “Nchɛgboŋ nɛ menyeeŋ baa shɛr a bunyaŋ ma, Enyɛnpe Ebɔrɛ na nde:

Nɔmbɛs 28:14

B ta yabra kɔlba anyɔ n ti gbolu kama so, n ta yabra kɔlba koŋwule nɛ bargato n ti kpakpa kama so nseŋ ta yabra kɔlba koŋwule malɛ n ti nfɛ koko be ekpakpa na be kekama so n lara yabra be sarga. Kafɛ kikɛ be kufɔl kikɛ be kachɛ juŋkparso be sarga be mbra nna na.

Nɔmbɛs 28:19

B ta egbolu fɔlbi anyɔ nɛ a maŋ kɔ ndulgi nɛ kpakpa koŋwule nɛ k maŋ kɔ ndulgi nɛ nfɛ koko be ekpakpa ashunu nɛ b maŋ kɔ ndulgi m ba lara sarga chɔɔso n sa Enyɛnpe Ebɔrɛ.

Nɔmbɛs 28:27

Men ta egbolu fɔlbi anyɔ nɛ a maŋ kɔ ndulgi nɛ kpakpa koŋwule nɛ k maŋ kɔ ndulgi nɛ nfɛ koko be ekpakpa ashunu nɛ a maŋ kɔ ndulgi m ba lara sarga chɔɔso nɛ amo be efɛa bee wora Enyɛnpe Ebɔrɛ ebel na n sa mo.

Nɔmbɛs 29:13

Kumo be kachɛ juŋkparso na men ta egbolu fɔlbi kuduasa nɛ a maŋ kɔ ndulgi nɛ ekpakpa anyɔ nɛ a maŋ kɔ ndulgi nɛ nfɛ koko be ekpakpafɔlbi kuduana nɛ a maŋ kɔ ndulgi n lara ajibi be sarga nɛ amo be efɛa wɔ ebel n sa Enyɛnpe Ebɔrɛ.

Nɔmbɛs 29:2

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.

Nɔmbɛs 29:39

Men baa lara le be esarga ere kachɛgboŋ achɛ kikɛ n ti keparso ŋko kɔnɔ be ketia be esarga so.”

Nɔmbɛs 29:8

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.