Ɛzra 3:10 - EBƆRƐ BE KAWƆL

¹⁰ Bepɔrpo na ka baŋ tɔl Enyɛnpe Ebɔrɛ be lambu na be gbaltɔlase na n loge, nɛ bɔrɛmatapoana ta bumo be epiŋi m buu nseŋ ta mbel nɛ Asaf be mbinyɛnso nɛ b la Livaiebi na malɛ ta edawuro, nɛ bekama yili bumo be eyilikpa nseŋ fara a boŋ nshɛ a kpaŋ Ebɔrɛ. Ŋkpal manɛ so, ketande nɛ ewura Deevid nase n sa bumo nna na.

Ɛzra 3:10 ပူးပေါင်းရင်းမြစ်များ

1 Kronikɛls 15:27

Deevid nɛ beshɛbompo be enimu Chɛnanaya nɛ Livaiebi nɛ b daŋ sulɔ ŋkre be deka na daŋ buu ago be kechɛbi lela be epiŋi nna. Ewura Deevid bre daŋ buu kabɔrɛmata be piŋi nɛ baa tre ɛfɔd na nna n daŋi mbe piŋi so.

1 Kronikɛls 16:37

Ewura Deevid daŋ lara Asaf nɛ Livaiebi nɛ b la kabuna koŋwule ebi na nna fanɛ b baa keni kakpa nɛ ŋkre be deka na yil na be kushuŋ so karechɛ kikɛ.

1 Kronikɛls 16:42

Heman nɛ Jedutum malɛ gba e daŋ naa foŋ mbel nsaa laŋ echakachaka nɛ alaŋsɔ nɛ baa laŋ nsaa boŋ nshɛ a di Ebɔrɛ epaŋ jemanɛ kikɛ. Basa nɛ b shi Jedutum be kabuna na e daa keni bumo be mbunaana so.

1 Kronikɛls 23:5

nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

2 Kronikɛls 35:14

Bɔrɛmatapoana na daŋ chɔɔ asɔbɔya nɛ baa chɔɔ kelelemuto na nna, nɛ asɔbɔya be eblaŋ lela nɛ baa chɔɔ a lara sarga na bɔrɛsure na so nna hale nɛ kanyɛ ya biri. B ka wora ade kikɛ n loge, nɛ Livaiebi na chige eblaŋ nɛ a ka na to n sa bumo be amu nɛ bɔrɛmatapoana nɛ b la Ɛɛrɔn be kaman to ebi na.

2 Kronikɛls 35:15

Livaiebi nɛ b la beshɛbompo nsaa shi Asaf be kabuna na bre daa wɔ kaboŋ nɛ ewura Deevid nɛ Asaf nɛ Heman nɛ Jedutum nɛ e la ewura Deevid be anebi na daŋ yili fanɛ b baa wɔ na nna. Bekumpo nɛ baa keni bɔrɛlambu na be mbuna so na gba daa maŋ yige bumo be ashuŋ, ŋkpal bumo braana Livaiebi na ka shuŋ kebansonchoŋ be kejigboŋ na be kushuŋ n sa bumo so.

Ɛzra 2:41

Beshɛbompo nɛ b shi Asaf be kanaŋ to m bɛta m ba daa la basa kalfa nɛ adunyɔ nɛ aburwa.

Ɛzra 5:16

Nɛ Shɛɛshbaza ba tɔl bɔrɛlambu na be gbaltɔlase. Yili loŋ be jemanɛ na m ba fo kabre, kapɔr na bee pɔr gbrɛgbrɛbi nna. K maŋ naŋ loge bre.

Nshɛ 150:5

Men baa ta echakachaka nɛ abɛlso be alaŋsɔ be yiri kikɛ a laŋ a kpaŋ Ebɔrɛ.

Heegai 2:15

Ade be kaman nɛ Enyɛnpe Ebɔrɛ na naŋ kaŋɛ: “Menyi maŋ wu kusɔ nɛ k wora menyi na a? Pɔɛŋ nɛ men fara bɔrɛlambu na be kelɔŋɛ m pɔr

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Zakareya 6:12

Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.

Zakareya 7:3

nseŋ naŋ bishi bɔrɛmatapoana na nɛ anebiana na le be kesheŋ bishiso ere: “An baa kraa shu nli nsaa kishi kufɔl nusopo na to fanɛ kananɛ an wora nfɛ damta ŋkpal b ka daŋ bure bɔrɛlambu na so a?”

1 Samuɛl 22:18

Nɛ Sɔɔl kilgi ŋ kaŋɛ Duɛg nɛ e shi Edɔm na le: “Mɔ bɔrɛmatapoana na kikɛ!” Kumo be kamɔnchɛ bɔrɛmatapoana nɛ b fo kabɔrɛmata be epiŋi nɛ baa tre Ɛfɔd na be kebuu na be basa aduburwa nɛ anu nɛ Duɛg mɔ.