Ɛzra 3:1 - EBƆRƐ BE KAWƆL

¹ Israɛlebi na daŋ ta afɔl ashunu nna n chena bumo be ndeana to n loge. Kumo be kaman nɛ bumo kikɛ ba shɛr Jerusalɛm to.

Ɛzra 3:1 ပူးပေါင်းရင်းမြစ်များ

Nehemaya 7:73

Ndoŋ nna nɛ bɔrɛmatapoana na nɛ Livaiebi na nɛ bɔrɛlambu to be bekumpo na nɛ beshɛbompoana na nɛ basa na be beko nɛ bɔrɛlambu to be beshumpo na nɛ Israɛlebi na kikɛ chena bumo be ndeana to ashi Juda be efuli so kikɛ.

Nehemaya 8:1

Afɔl ashunu nɛ Israɛlebi na daŋ ta n chena bumo be ndeana to n loge. Kufɔl shunusopo na to be kachɛ sososo na nɛ bumo kikɛ gama abar so ashi Jerusalɛm be kadegboŋ na to be kelɔnɛ nɛ k dese kabuna nɛ baa tre Nchu be Kabuna na ase. Kumo be kaman nɛ b kaŋɛ bɔrɛmatapo Ɛzra, nɛ e daa ŋini mbra nɛ Ebɔrɛ daŋ bɔla an nananyɛn Mosis so n ta n sa Israɛlebi na, fanɛ e ya ta mbra be kawɔl na m ba.

Nehemaya 8:14

B ba pin fanɛ mbra nɛ Ebɔrɛ bɔla bumo nananyɛn Mosis so n sa bumo na bee ŋini fanɛ jemanɛ kama nɛ baa ji Abuu to be Kachɛgboŋ na kufɔl shunusopo na to na, a daga fanɛ b baa yuu abuu nɛ a maa chɛr nsaa wɔ amo to hale nɛ kachɛgboŋ na e fo ekar.

Levitikɔs 16:29

Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 23:24

e kaŋɛ Israɛlebi na le: “A daga fanɛ men wushi kufɔl shunusopo na to be kachɛ juŋkparso na. Men kaŋ nu mbel be kushu nɛ men shɛr abar so m bunyaŋ Enyɛnpe Ebɔrɛ na.

Zefanaiya 3:9

Kumo be kaman nɛ n chɛrga basa nɛ b wɔ efuliana na so be ŋgbene nɛ b naa bunyaŋ ma, Enyɛnpe Ebɔrɛ na nawule.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

Ditɛronɔmi 16:16

Ela asa nɛ menyi be efuli so be basa kikɛ beeŋ ba shuŋ Enyɛnpe Ebɔrɛ na ashi kakpa nɛ menyeeŋ baa shuŋ Ebɔrɛ na. Jemanɛ nɛ baaŋ baa wora loŋ e la Kebansonchoŋ be kejigboŋachɛ nɛ Kasɔteŋi be kejigboŋachɛ nɛ Abuu to be kebaawɔ be kejigboŋachɛ. Menyi to be ekama beeŋ bar kakɛ

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.