Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛzra 2:63 - EBƆRƐ BE KAWƆL

63 Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

အခန်းကိုကြည့်ပါ။ ကော်ပီ




Ɛzra 2:63
23 ပူးပေါင်းရင်းမြစ်များ  

Basa nɛ b daŋ shi Babilɔn m ba na daŋ fo basa ŋgboŋ adena nɛ anyɔ nɛ alfa asa nɛ adeshe nna.


Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana


Seria nɛ Azariya nɛ Jɛremaya, nɛ Paasha nɛ Amariya nɛ Malkija nɛ Haatush nɛ Shebania nɛ Maluk nɛ Harim nɛ Meremɔf nɛ Obadaya nɛ Danɛl nɛ Ginetɔn nɛ Baruk nɛ Mɛshulam nɛ Abija nɛ Mijamin nɛ Mazia nɛ Bilgai nɛ Shemaya.


Gomena na daŋ kaŋɛ bumo ere nna fanɛ b maaŋ tiŋ n ji ajibi nɛ b ta n lara sarga n sa Ebɔrɛ na ama bɔrɛmatapo ko baaŋ ta asɔ nɛ baa tre Urim nɛ Thummim na n to beri ŋ ŋini fanɛ b la bɔrɛmatapoana kashenteŋto nna pɔɛŋ nɛ b tiŋ n ji esargajibi na.


Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”


Saŋkama nɛ Ɛɛrɔn bee yɔ Enyɛnpe Ebɔrɛ na be anishito, a daga fanɛ e di demuji be kɔlgu nɛ Urim nɛ Tumim wɔ kumo to na nɛ a baa chɛ mo to nɛ e baa pin Enyɛnpe Ebɔrɛ na be nfɛra.


Amo be amo nɛ a beeŋ ka na beeŋ baa la bɔrɛmatapoana peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.


Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.


Bɔrɛmatapoana nɛ bumo be nnaŋ to be basa nawule e naŋ tiŋ n ji esarga cheembi na. Bɔrɛmatapo be efɔ ŋko mbe eshumpo nɛ e ber paa gba maaŋ tiŋ n ji amo.


Ama mo pibiche nɛ e la ekulpoche ŋko emo nɛ mo kul kini nɛ e maŋ kɔ mbia nseŋ bɛta m ba mo tuto be laŋ to nɛ mo tuto bee bela mo, bre beeŋ tiŋ n ji mo tuto be ajibi nɛ a la bɔrɛmatapo be kachige na.


Bɔrɛmatapo be kanaŋ to be kusɔnyɛn nawule e naaŋ tiŋ n ji loŋ be sarga na. K la sarga cheembi ga nna.


Nɛ fanɛ sarga na la sarga nɛ esa lara a tia kɔnɔ nɛ e nase nna ŋko mbe keparso nɛ e lara kumo, a daga b we eblaŋ na kikɛ kachɛ nɛ e lara sarga na, ama baaŋ tiŋ n we kekama nɛ kare chɛ so na gba.


Kumo be kaman nɛ e ta demuji be kɔlgu na n di mo nseŋ ta ajembubi nɛ baa ta a to beri a pin Ebɔrɛ be nfɛra nɛ baa tre amo urim nɛ tumim na n wɔtɔ kɔlgu na to.


Baŋ yili kabre a yɔ, sarga cheembi kama nɛ Israɛlebi na lara n sa ma ki fo nɛ fo mbinyɛnsobi nɛ mbichesobi peya mbaanaayɔ. Kɔnɔ nɛ n sa fo nɛ fo kaman to ebi nna na, kumo alɛ maaŋ chɛrga kikɛ.”


Nɛ men baŋ lara amo to be alela n sa Enyɛnpe Ebɔrɛ na pɔɛŋ nseŋ ji amo nɛ a ka na, kumo ere men maŋ wora n da so. Menyi alɛ maŋ jija Israɛlebi na be esarga cheembi na. Menyi alɛ maaŋ wu.”


Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”


A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.


ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ