Ɛzra 2:58 - EBƆRƐ BE KAWƆL

⁵⁸ Bɔrɛlambu na to be beshumpoana be kaman to ebi nɛ Sɔlɔmɔn be nyɛrbi be kaman to ebi kikɛ daa la basa alfa asa nɛ adekpanu nɛ anyɔ nna.

Ɛzra 2:58 ပူးပေါင်းရင်းမြစ်များ

1 Bewura 9:20

Ewura Sɔlɔmɔn daŋ shin nna nɛ Keenan be efuli so be basa, nɛ Israɛlebi daa maŋ mɔ saŋɛ nɛ b daŋ lar Ijipt m ba sɔ kasawule na bee shuŋ a sa mo. Bumo e daa la Hitebi nɛ Amɔriebi nɛ Pɛrizebi nɛ Hivebi nɛ Jebusiebi nɛ bumo be kaman to ebi la anya hale m ba fo kabre.

1 Kronikɛls 9:2

B ka bɛta a ba na be bumo nɛ b juŋkpar m ba bumo be nde to e daa la Israɛl be ndetobia na nɛ bɔrɛmatapoana na nɛ Livaiebi na nɛ bɔrɛlambu na to be beshumpo na.

Ɛzra 2:57

Shefatiya be kaman to ebi nɛ Hatil be kaman to ebi nɛ Pokerɛf Hazabeem nɛ Ami be kaman to ebi.

Ɛzra 2:59

Basa nɛ b daa maŋ tiŋ ŋ ŋini Israɛl be kanaŋ nɛ b shi kumo to kikɛ ama nseŋ shi Tɛl Mɛla nɛ Tɛl Hasha nɛ Kerub nɛ Adɔn nɛ Imma be nde to m ba na e daa la.

Ɛzra 7:7

Ewurgboŋ Atazɛzɛs ka ji kuwura be kafɛ shunusopo to nɛ Israɛlebi na nɛ bɔrɛmatapoana na nɛ Livaiebi na nɛ nshɛbompoana na nɛ mbunagboŋ kenipoana na nɛ bɔrɛlambu to be beshumpo na kikɛ shi Babilɔn be efuli so m bɛta m ba Jerusalɛm to.

Nehemaya 3:26

E daŋ pɔr nna m ba fo kakpa nɛ k mata Nchu be kabuna nɛ k wɔ a laŋɛ epeŋilarkpa be kaba so nɛ ebu jeŋgreŋ nɛ k mata bɔrɛlambu na ase na nna. K mata kadegboŋ na be kaba nɛ baa tre Ofɛl nɛ bɔrɛlambu na be beshumpo na daa wɔ ndoŋ na nna.

Nehemaya 7:60

Bɔrɛlambu to be beshumpo na nɛ Sɔlɔmɔn be nyɛrbi na be mbunaebi nɛ b bɛta na kikɛ daŋ koso basa alfa asa nɛ adekpanu nɛ anyɔ nna.

Kaŋinichiŋgeliŋ 2:7

N daŋ tɔ anyache nɛ benyɛn kikɛ nna nɛ bumo alɛ gba bee kurge a ti so ashi ma laŋ to. Ma e daa kɔ asɔbɔya a chɔ esa kama nɛ e juŋkpar ma ashi Jerusalɛm be kade to.

Joshuwa 9:21

Kede be kaman nɛ bejuŋkparpoana na naŋ kaŋɛ le: “An sa maŋ mɔ bumo, ama an shin nɛ b baa ku ndibi nsaa saŋ nchu a sa anyi.”

Joshuwa 9:23

Ŋkpal men ka wora le so, Ebɔrɛ be kɔnɔsho pɛ menyi. Menyi be basa beeŋ ki anya a kuya ndibi nsaa saŋ nchu a yɔ an be Ebɔrɛ be lambu to saŋkama.”

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.