Ɛzra 2:43 - EBƆRƐ BE KAWƆL

⁴³ Bɔrɛlambu na to be beshumpo nɛ bumo be mbuna ebi bɛta m ba na nde: Ziha nɛ Hasufa nɛ Tabaof,

Ɛzra 2:43 ပူးပေါင်းရင်းမြစ်များ

1 Kronikɛls 9:2

B ka bɛta a ba na be bumo nɛ b juŋkpar m ba bumo be nde to e daa la Israɛl be ndetobia na nɛ bɔrɛmatapoana na nɛ Livaiebi na nɛ bɔrɛlambu na to be beshumpo na.

Ɛzra 2:42

Basa nɛ b daa keni bɔrɛlambu na be mbuna so nseŋ shi Shalum nɛ Atɛ nɛ Talmɔn nɛ Akuub nɛ Hatita Shobayi be nnaŋ to na daa la basa kalfa nɛ adesa nɛ akpanu.

Ɛzra 2:44

nɛ Kɛros nɛ Siaha nɛ Padon,

Ɛzra 2:58

Bɔrɛlambu na to be beshumpoana be kaman to ebi nɛ Sɔlɔmɔn be nyɛrbi be kaman to ebi kikɛ daa la basa alfa asa nɛ adekpanu nɛ anyɔ nna.

Ɛzra 7:7

Ewurgboŋ Atazɛzɛs ka ji kuwura be kafɛ shunusopo to nɛ Israɛlebi na nɛ bɔrɛmatapoana na nɛ Livaiebi na nɛ nshɛbompoana na nɛ mbunagboŋ kenipoana na nɛ bɔrɛlambu to be beshumpo na kikɛ shi Babilɔn be efuli so m bɛta m ba Jerusalɛm to.

Ɛzra 8:17

Kumo be kaman nɛ n shuŋi bumo Kasifiya be efuli so be enimu nɛ baa tre Iddo nɛ mo braana, nɛ b la bɔrɛlambu na to be beshumpo na, kutɔ fanɛ b sa anyi basa nɛ baaŋ baa shuŋ Ebɔrɛ be kushuŋ ashi bɔrɛlambu na to.

Ɛzra 8:20

Kumo be kaman, b daŋ naŋ shin nɛ basa nɛ ewura Deevid nɛ mbe benimu daŋ yili kumo fanɛ b baa chɛ Livaiebi na to na to be basa alfa anyɔ nɛ adunyɔ ba nɛ b baa ka chɛ to a shuŋ bɔrɛlambu na to.

Nehemaya 10:28

Anyi Israɛlebi na kikɛ, ta bɔrɛmatapoana nɛ Livaiebi nɛ bɔrɛlambu to be bekumpo na nɛ beshɛbompoana na nɛ bɔrɛlambu to be beshumpo na nɛ bejuŋkparpoana na n ta anyi be beche nɛ mbia nɛ b daŋ kikɛ n ti so, barga anyi be amu ashi befɔ nɛ b wɔ kasawule ere so to nna. Naniere an wora kɔnɔkoŋwule nna fanɛ anyeeŋ pin kusɔ nɛ anyee wora to nɛnɛ. Amoso nɛ an baŋ maŋ naŋ wora Enyɛnpe anyi be Ebɔrɛ na be mbra nɛ keŋini nɛ e ta m bɔla mbe kayɛrbi Mosis so n sa anyi na kasonu, kumo ere Ebɔrɛ be kɔnɔsho e ba anyi so.

Nehemaya 11:21

Jerusalɛm to be kaba nɛ baa tre Ofɛl na, nɛ bɔrɛlambu na to be beshumpo kikɛ na daa wɔ. Ziha nɛ Gishpa malɛ e daa la bumo be bejuŋkparpo.

Nehemaya 11:3

Bekama nɛ b wɔ nde nɛ a wɔ Juda be efuli so na daŋ chena bumo gbagba be nsawule so nna ashi bumo be nde to nsaa ji bumo be amu so. Bumo e daa la Israɛlebi na be beko nɛ bɔrɛmatapoana na nɛ Livaiebi na nɛ bɔrɛlambu na to be beshumpo na nɛ ewura Sɔlɔmɔn be nyɛrbi be kaman to ebi.

Nehemaya 3:26

E daŋ pɔr nna m ba fo kakpa nɛ k mata Nchu be kabuna nɛ k wɔ a laŋɛ epeŋilarkpa be kaba so nɛ ebu jeŋgreŋ nɛ k mata bɔrɛlambu na ase na nna. K mata kadegboŋ na be kaba nɛ baa tre Ofɛl nɛ bɔrɛlambu na be beshumpo na daa wɔ ndoŋ na nna.

Nɔmbɛs 3:9

Bumo koŋwule na malɛ e naaŋ baa chɛ Ɛɛrɔn nɛ mbe mbinyɛnsobi to a shuŋ nshɛr be wajɛbu na to.