Ɛzra 2:1 - EBƆRƐ BE KAWƆL

¹ Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Ɛzra 2:1 ပူးပေါင်းရင်းမြစ်များ

2 Bewura 25:11

nseŋ keta betirpo nɛ basa nɛ b nyi enɔ to be ashuŋ na nɛ bumo nɛ b daŋ shuli n sa mo nseŋ kraa wɔ Jerusalɛm to na kikɛ n yɔ Babilɔn be efuli so.

1 Kronikɛls 9:1

B daŋ sibɛ Israɛlebi na kikɛ be atre kanaŋ kanaŋ so nna n wɔtɔ Israɛl be bewura be nwɔl to. Judaebi na ka daŋ wora alubi ŋ gbiti Ebɔrɛ na so nɛ b daŋ pɛ bumo nseŋ tintiŋ bumo n yɔ Babilɔn be efuli wɔfɔ na so na.

1 Kronikɛls 9:2

B ka bɛta a ba na be bumo nɛ b juŋkpar m ba bumo be nde to e daa la Israɛl be ndetobia na nɛ bɔrɛmatapoana na nɛ Livaiebi na nɛ bɔrɛlambu na to be beshumpo na.

Ɛzra 1:11

Shuwa nɛ gbiti nɛ asɔ pɔtɛ nɛ a ti so na kikɛ daa wɔ ŋgboŋ anu nɛ alfa ana. Nɛ Shɛshbaza nɛ mo braana nɛ b yɔ kenyaya to na bɛta amo n shi Babilɔn m ba Jerusalɛm.

Ɛzra 2:2

Bumo e la: Zerubabel nɛ Joshuwa nɛ Nehemaya nɛ Seraya nɛ Reelaya nɛ Mɔdikaya nɛ Bilshan nɛ Mispa nɛ Bigvai nɛ Rehum nɛ Baana. Israɛl be mbuna ebi nɛ kananɛ b sa nseŋ bɛta m ba bumo be efuli so e daa la

Ɛzra 2:70

Kumo be kaman, nɛ bɔrɛmatapoana na nɛ Livaiebi na nɛ beshɛbompo na nɛ basa nɛ baa keni bɔrɛlambu na be mbuna so na nɛ bɔrɛlambu na to be beshumpoana na nɛ basa na to be beko gba kikɛ yɔ n ya chena bumo be ndeana to. Nɛ Israɛlebi nɛ b ka na malɛ gba yɔ bumo be ndeana to n ya chena.

Ɛzra 5:8

Yiramu, anyee sha nna nɛ fo pin fanɛ an yɔ Juda be efuli so n ya wu fanɛ basa na bee lɔŋɛ a pɔr Ebɔrɛ Ewurgboŋ na be bɔrɛlambu na. Ajembu gbɛgbɛso nɛ ndibi gbɛgbɛso nɛ b kɔ a pɔr kumo. Kenishipereso nɛ baa pɔr kumo, amoso kushuŋ na bee yɔ manaŋ manaŋ nna a sa bumo.

Ɛzra 6:2

Ndoŋ nna nɛ b wu kawɔl ko ashi Midia be efuli so be kadegboŋ nɛ baa tre Ɛkbatana na. Kubɔya nɛ k daa wɔ kawɔl na to nde:

Ɛzra 8:35

Basa nɛ b daŋ bɛta m ba na kikɛ daŋ bar esarga nna m ba chɔɔ n sa Israɛl be Ebɔrɛ na. B daŋ yili Israɛlebi kikɛ be katelamu to nna n ta egbolu kudu anyɔ nɛ ekpakpa adekpanu nɛ ashe nɛ ekpakpafɔlbi adushunu nɛ ashunu n lara sarga. Kumo be kaman nɛ b ta mboe kudu anyɔ n lara sarga ŋ kule alubi be ketampaŋ. B daŋ chɔɔ le be asɔbɔya ere kikɛ nna n lara sarga n sa Enyɛnpe Ebɔrɛ na.

Nehemaya 12:1

Bɔrɛmatapoana nɛ Livaiebi nɛ Shealtiɛl pibinyɛn, Zerubabel nɛ Joshuwa daŋ juŋkpar ŋ keta bumo n shi Babilɔn be efuli so kenyaya to m bɛta m ba na be atre nde.

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Ɛsta 1:11

E daŋ shuŋi bumo fanɛ b ya shin nɛ ewurche Vashti e buu mbe kuwurwuro m ba mo kutɔ. Ewura na daa sha keta ewurche na nna n ji njɔŋ n ŋini ekrachiana na nɛ mbe befɔ nɛ b ba ndoŋ na kikɛ ŋkpal mbe kebita so.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Ɛsta 1:8

E daŋ sa ekpa nna fanɛ ekama beeŋ tiŋ n nuu nsa kanaŋkamaso nɛ k par mo. E daŋ kaŋɛ ewurkpa be nyɛrbi na nna fanɛ b sa ekama nsa kanaŋkamaso nɛ e beeŋ tiŋ n nuu.

Ɛsta 8:9

Kufɔl sasopo nɛ baa tre Sivan na be nchɛ adunyɔ nɛ asa nɛ b shɛr ewurkpa be nwɔlsibɛpoana na epul to, nɛ Mɔdikaya malga nɛ b sibɛ nwɔl n sa Juwebi na nɛ bejuŋkparpo nɛ ekrachiana nɛ benimuana nɛ b wɔ efuli na be abonfu kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na. Efuli kama so ebi be ŋgbar to nɛ Juwebi be ŋgbar to nɛ b daŋ sibɛ nwɔl na n sa bumo.

Aizaaya 48:20

Naniere, men lar Babilɔn be efuli so! Men ta kayurji a yɔ. Men shin nɛ menyi be ŋgbene e fuli menyi nɛ men baa boŋ to awɔrso a kaŋɛ ekama le: ‘Enyɛnpe Ebɔrɛ na kɔ n suge anyi, Israɛlebi nɛ an la mbe anya na!

Jɛremaya 50:19

Ama meeŋ naŋ bɛta Israɛl be basa na m ba bumo be kasawule so. Baaŋ dɔ adɔjibi kama nɛ baa sha ashi Kaamɛl be kebee nɛ k mata Mɛditerenia be Teku na nɛ Bashan be kebonfu nɛ k wɔ Jɔɔdan be lɔr na be epeŋilarkpa be kaba so na nɛ Efrayim nɛ Giliad be apreŋsawule so n ji kanaŋkama nɛ baa sha.

Nfabel 1:3

Juda be efuli so be basa ki anya nna, a ji awurfoŋ ashi efuli pɔtɛana so. Efuli pɔtɛana so nɛ b wɔ a maa kɔ kakpa nɛ baaŋ tre bumo gbagba pe. Bedoŋ e kulti bumo n wɔtɔ, nɛ ekpa maŋ wɔtɔ nɛ b bɔla so m mɔlga bumo be amu.

Nfabel 1:5

Bedoŋ e naa ji kadegboŋ na so kuwura nsaa wɔ kumo to a wora bumo be kepar. Enyɛnpe Ebɔrɛ na e gberge Jerusalɛm be basa kusoe ŋkpal asheŋ lubi damta nɛ b wora na so. E shin nɛ bedoŋ pɛ bumo ŋ ki anya nna n yɔ efuli wɔfɔ so.

Nfabel 4:22

Zayɔn be kadegboŋ na to be basa bre teŋ ka bumo be alubi be kukɔ nna na. Enyɛnpe Ebɔrɛ na maaŋ naŋ shin nɛ an baa wɔ kenyaya to ashi efuli pɔtɛ wɔfɔ so. E beeŋ shin nɛ an bɛta m ba epe. Ama menyi Edɔm be efuli so be basa bre, e beeŋ gberge menyi kusoe nseŋ shin nɛ menyi be asheŋ lubi e dii efuli nɛ ekama e pin amo.

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Ashuŋ Shunso 23:34

Gomena na ka kraŋ kawɔl na nɛ e bishi Pɔɔl efuli na so be kaba mo nɛ e shi. E ka pin fanɛ Silisia nɛ e shi