Ɛzra 10:14 - EBƆRƐ BE KAWƆL

¹⁴ Men shin nɛ anyi be bejuŋkparpo a shir Jerusalɛm ŋ keni demu na to n sa anyi. Kumo be kaman, nɛ an yili kachɛ nɛ bekama nɛ b kɔ befɔche a kil na nɛ bejuŋkparpo na nɛ demujipoana na kikɛ e shɛr Jerusalɛm to nfe. Loŋ e naŋ shin nɛ Ebɔrɛ be agbo e wushi nseŋ lar anyi so ŋkpal demu ere so.”

Ɛzra 10:14 ပူးပေါင်းရင်းမြစ်များ

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

2 Kronikɛls 28:11

Men nu nfe! Basa nɛ men pɛ ere la men siponyɛn nɛ men sipocheana nna, amoso men shin nɛ b bɛta a yɔ epe, nɛ mannɛ aloŋ, Enyɛnpe na b agbo beeŋ kaa, nɛ e gberge menyi kusoe.”

2 Kronikɛls 29:10

Naniere bre ma nɛ Enyɛnpe nɛ e la Israɛl be Ebɔrɛ na beeŋ tiŋi ŋkre dra na to. Ashere nɛ n wora loŋ, mbe agbo maaŋ naa wɔ anyi so.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

Ɛzra 10:13

Ama basa nɛ b shɛr nfe ere shi ga nɛ bɔrɛ malɛ naa ba ŋkpal loŋ so anyi maaŋ tiŋ a yil kowushina loŋ. Kumo be kaman, kesheŋ na maaŋ la kachɛ koŋwule ŋko nchɛ nyɔ be kesheŋ nna. Ŋkpal manɛ so, basa nɛ b wora alubi na shi ga.

Ɛzra 10:15

Asahɛl pibinyɛn, Jonatan, nɛ Tikva pibinyɛn, Jeezia nawule e daa maŋ shuli m bɛ kamalga na so; nɛ Mɛshulam nɛ Shabetayi, nɛ e shi Livai be kabuna na, malɛ daa yil bumo be kaman.

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 17:9

n ya ta demu na n nase bɔrɛmatapoana nɛ b shi Livaiebi be yiri to na nɛ demujipo nɛ e bee shuŋ loŋ be jemanɛ na be anishito nɛ b ji kumo.

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.