Ɛzra 10:11 - EBƆRƐ BE KAWƆL

¹¹ Amoso, men tuba n lar men be alubi to ashi men nananyɛnana be Ebɔrɛ na be anishito nseŋ fara a wora mbe aparsheŋ. Men lar basa pɔtɛ nɛ b wea men to ere be asheŋ to nseŋ yige befɔche nɛ men ta a kil na.”

Ɛzra 10:11 ပူးပေါင်းရင်းမြစ်များ

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

Ɛzra 10:10

Ndoŋ nna nɛ Ɛzra, nɛ e la bɔrɛmatapo na, koso n yili nseŋ kaŋɛ bumo: “Men maŋ ji kashenteŋ n sa Ebɔrɛ, ŋkpal manɛ so men ta befɔche a kil n shin nɛ Israɛl be alubi naŋ wora keshi n ti so.

Ɛzra 10:12

Ndoŋ nna nɛ basa na kikɛ boŋ to awɔrso ŋ kaŋɛ: “Kashenteŋ nɛ fo ji! Anyeeŋ wora kusɔ nɛ fo kaŋɛ na.

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Ɛzra 9:1

Asheŋ ere kikɛ ka wora n loge be kaman, nɛ Israɛlebi be bejuŋkparpo na ba kaŋɛ ma fanɛ basa na nɛ bɔrɛmatapoana na nɛ Livaiebi na kra maŋ lara bumo be amu ashi basa nɛ b chena ŋ kulti bumo na be asheŋ woraso lubi to. B ta bumo be amu n wɔtɔ Keenanebi nɛ Hitebi nɛ Pɛrizebi nɛ Jebusiebi nɛ Ammɔnebi nɛ Mowabebi nɛ Ijiptebi nɛ Amɔriebi be mbushusheŋ nɛ b daa wora to nna.

Nehemaya 13:3

B ka kraŋ Mosis be mbra na nɛ Israɛlebi na nu so, b daŋ fara a ju basa kama nɛ bumo nanaana daa la befɔ ashi bumo to na nna.

Nehemaya 9:2

B daŋ barga bumo amu ashi befɔ na kutɔ nna nseŋ ya yili m bugi to ŋ kaŋɛ bumo nɛ bumo nanaana be alubi nɛ b wora.

Nshɛ 32:5

Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Aizaaya 56:4

Le nɛ Enyɛnpe Ebɔrɛ na bee kaŋɛ amodoŋwura: “Fo baa keni ma kewushiachɛ na a bɔlɔ kenishi nsaa wora kusɔ nɛ k bee par ma nsaa bɛ ma kɔnɔkoŋwule be ŋkre na so kashenteŋto,

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Ezikɛl 18:30

“Ma, Enyɛnpetale Ebɔrɛ na e naa kaŋɛ menyi Israɛl be basa fanɛ meeŋ ji menyi be ekama demu ŋkpal kusɔ nɛ e wora so. Amoso, men tuba ashi menyi be asheŋ woraso lubi to. Nɛ mannɛ aloŋ, a beeŋ yɛr menyi kemur to.

Baru lela nɛ Jɔn kute na 9:24

Ndoŋ nna nɛ b naŋ tre kanyɛn nɛ e daŋ tan na kela nyɔsopo m ba kaŋɛ mo le: “Ji kashenteŋ n sa Ebɔrɛ kemaŋkura, ŋkpal manɛ so an nyi kanyɛn na ka la alubipo.”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”