Ɛzra 1:6 - EBƆRƐ BE KAWƆL

⁶ Basa nɛ b tu bumo n chena na kikɛ daŋ ta shuwa nɛ gbiti nɛ asɔ lela be yiri kikɛ nɛ asɔbɔya be yiri kikɛ nna n chɛ bumo enɔ so. Yawu kpakpaso be asɔ nɛ asɔ nɛ baaŋ ta n ya lara sarga ashi bɔrɛlambu na to nɛ b daŋ sa bumo.

Ɛzra 1:6 ပူးပေါင်းရင်းမြစ်များ

1 Kronikɛls 29:9

Ewura Deevid nɛ basa na kikɛ be ŋgbene daŋ fuli bumo ga nna nɛ b ji eyur ŋkpal ŋkɛ nɛ b daŋ bugi ŋgbene n sa Enyɛnpe Ebɔrɛ na so.

Ɛzra 1:4

Bekama nɛ bumo nɛ Enyɛnpe Ebɔrɛ na be basa chena n sha abar e ta shuwa nɛ gbiti nɛ asɔ lela be yiri kikɛ nɛ asɔbɔya nɛ baaŋ ta n ya lara sarga ashi Ebɔrɛ be lambu nɛ k wɔ Jerusalɛm to na n chɛ bumo to.”

Ɛzra 8:33

Kachɛ nasopo na nɛ an yɔ bɔrɛlambu na to n ya karga gbiti nɛ shuwa nɛ echeenshi na kikɛ m bɔɔ Uriya pibinyɛn, Mɛremɔf, nɛ e daa la bɔrɛmatapo na enɔ. Mo nɛ Finihas pibinyɛn, Eliaza, nɛ Joshuwa pibinyɛn, Jozabad, nɛ Binuyi pibinyɛn, Nowadiya nɛ b la Livaiebi na e daa la.

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Nshɛ 106:46

E daŋ shin nɛ bumo doŋana shu bumo so nna.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Ɛksodɔs 12:35

Kusɔ kama nɛ Mosis daŋ kaŋɛ Israɛlebi na, bumo alɛ wora. B daŋ kule ŋ kule Ijiptebi na shuwa nɛ gbiti be abitasɔ nɛ asɔbuuso nna.

Ɛksodɔs 12:36

Enyɛnpe Ebɔrɛ daŋ shin nɛ Israɛlebi na be asheŋ bɔlɔ Ijiptebi na kenishi nna nɛ b sa bumo kusɔ kama nɛ b daŋ kule bumo kikɛ. Loŋ be ekpa na so nɛ Israɛlebi na daŋ bɔla n sulɔ Ijiptebi na be asɔ damta n yɔ.

Aizaaya 35:3

Kubɔya nɛ k wɔtɔ n sa bekama nɛ b maŋ kɔ eleŋ nsaa chicha na nde; bumo e la basa nɛ baa fɔŋ na: “Men nya kenyɛn nsaa maa ŋana kufu. Menyi be Ebɔrɛ bee ba nɛ e ba gberge men doŋana kusoe. Ebɔrɛ beeŋ sɔ menyi be kɔnɔ ŋ kɔ n m mɔlga menyi.”

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.