Ɛzra 1:3 - EBƆRƐ BE KAWƆL

³ Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Ɛzra 1:3 ပူးပေါင်းရင်းမြစ်များ

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

Ɛzra 1:4

Bekama nɛ bumo nɛ Enyɛnpe Ebɔrɛ na be basa chena n sha abar e ta shuwa nɛ gbiti nɛ asɔ lela be yiri kikɛ nɛ asɔbɔya nɛ baaŋ ta n ya lara sarga ashi Ebɔrɛ be lambu nɛ k wɔ Jerusalɛm to na n chɛ bumo to.”

Ɛzra 4:3

Nɛ Zerubabel nɛ Joshuwa nɛ Israɛl be mbunaana na be benimuana na malɛ kaŋɛ bumo: “Anyi maa sha menyi be kechɛto ashi bɔrɛlambu na be kepɔr n sa Enyɛnpe anyi be Ebɔrɛ na to. Anyi nawule beeŋ tiŋ m pɔr kumo fanɛ kananɛ Pɛshiya be ewura, Sairus yili na.”

Ɛzra 5:13

Ama kafɛ nɛ ewurgboŋ Sairus ji Babilɔn be kuwura na, nɛ e sa kɔnɔ fanɛ a daga b naŋ lɔŋɛ m pɔr Ebɔrɛ be lambu na.

Ɛzra 5:3

Ndoŋ nna nɛ lɔrgboŋ nɛ baa tre Yufreetes na be epeŋitɔrkpa be kasawule so be gomena, Tatɛnayi, nɛ Shɛta Bozenayi nɛ bumo braana yɔ bumo kutɔ n ya bishi bumo le: “Wanɛ e sa menyi ekpa fanɛ men lɔŋɛ bɔrɛlambu ere m pɔr?”

Ɛzra 6:7

E yɛ: “Men sa maŋ naŋ ta menyi be asheŋ n wea bɔrɛlambu na be kepɔr na be asheŋ to. Men shin nɛ Juwebi be gomena nɛ bumo be benimuana na e lɔŋɛ bɔrɛlambu na m pɔr n yili kumo be eyilikpa dra na.

Nshɛ 132:13

Enyɛnpe Ebɔrɛ na e lara Zayɔn be kebee ashi Jerusalɛm to, nɛ k baa la mbe echenakpa.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Aizaaya 37:16

“Enyɛnpetale Israɛl be Ebɔrɛ, fo e chena fo kuwurputi so awɔlto nɛ emalaika nɛ baa tre chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya be kuwurjiana kikɛ so.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Aizaaya 45:5

Ma e la Enyɛnpe Ebɔrɛ na; Ebɔrɛ kikɛ maŋ naa wɔtɔ n ti ma so. Fo ka maŋ nyi ma ere gba, ŋ kraa beeŋ wora fo eleŋ to.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ditɛronɔmi 32:31

Bumo doŋana na baa nyi fanɛ bumo be agbirana maŋ kɔ eleŋ; agbirana na be eleŋ maŋ fo Israɛl be Ebɔrɛ peya so.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”