Ɛzra 1:2 - EBƆRƐ BE KAWƆL

² kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Ɛzra 1:2 ပူးပေါင်းရင်းမြစ်များ

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

2 Kronikɛls 2:12

Kemaŋkura e baa la Enyɛnpe Ebɔrɛ nɛ e la Israɛl be Ebɔrɛ nɛ esoso nɛ kasawule kikɛ be etopo na peya! Mo e sa ewura Deevid ebinyɛn nyiashempo nɛ e kɔ asheŋ be kepinto nɛ kasheŋwora be kenyi nsaa sha kepɔr bɔrɛlambu n sa Enyɛnpe Ebɔrɛ nɛ ewura be laŋ n sa mbe kumu.

Ɛzra 1:5

Ndoŋ nna nɛ Juda nɛ Bɛnjamin be nnaŋ to be benimuana nɛ bɔrɛmatapoana nɛ Livaiebi nɛ bekama nɛ bumo be ŋgbene daa wɔ kebɛta n yɔ Jerusalɛm to na bela ase nɛ b yɔ Jerusalɛm n ya pɔr Enyɛnpe Ebɔrɛ na be lambu na.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Ɛzra 4:3

Nɛ Zerubabel nɛ Joshuwa nɛ Israɛl be mbunaana na be benimuana na malɛ kaŋɛ bumo: “Anyi maa sha menyi be kechɛto ashi bɔrɛlambu na be kepɔr n sa Enyɛnpe anyi be Ebɔrɛ na to. Anyi nawule beeŋ tiŋ m pɔr kumo fanɛ kananɛ Pɛshiya be ewura, Sairus yili na.”

Ɛzra 5:15

E ka ta amo n sa Shɛɛshbaza na nɛ e kaŋɛ fanɛ e ta asɔ ere n ya wɔtɔ bɔrɛlambu nɛ k wɔ Jerusalɛm na to; nseŋ lɔŋɛ Ebɔrɛ be lambu na m pɔr n yili kumo be epul dra na gbagba to.

Ɛzra 6:10

Loŋ e naŋ shin nɛ b lara esarga nɛ a beeŋ par Ebɔrɛ nɛ mo alɛ e nɛfa ma nɛ ma kaman to ebi kikɛ.

Ɛzra 6:3

Kafɛ nɛ ewurgboŋ Sairus ji kuwura na nɛ e sa kɔnɔ a yɔ Ebɔrɛ be lambu nɛ k wɔ Jerusalɛm to na be kaplɛa so le: “Bɔrɛlambu nɛ k daa wɔ Jerusalɛm to na daga kelɔŋɛ m pɔr nseŋ shin nɛ k baa la kakpa nɛ basa beeŋ baa lara esarga. Kumo be gbaltɔlase gba daga ketɔl. A daga kumo be jeŋgreŋ e baa la ayadra adekpanu nɛ kumo be mparto malɛ gba e baa la ayadra adekpanu.

Ɛzra 7:12

“Ma, ewurgboŋ Atazɛzɛs, e naa sibɛ kawɔl ere a sa fo, Ɛzra, nɛ fo la bɔrɛmatapo nɛ Ebɔrɛ nɛ e wɔ ebɔrɛso na be mbra ŋinipo na. Fo kechɔrɔ nde!

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 85:2

Fo e ta fo basa be alubi m paŋ bumo nɛ kejimbri maŋ naa wɔ bumo so.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aizaaya 41:2

Wanɛ e daŋ shi epeŋilarkpa m bar esa nɛ e kɔ m pɔɔ so na, nseŋ shin nɛ e daŋ kɔ m pɔɔ so kaplɛkama nɛ e yɔ na? Wanɛ e shin nɛ e tiŋ ŋ kɔ m pɔɔ bewura nɛ efuliana na so na? Mbe tokobi daa ŋele bumo nna a lɛ nɛ baa wu a ki shishɛrpumpuŋ. Nɛ mbe atanyembi malɛ daa pesaŋ bumo to fanɛ kananɛ afu bee kaa ber amimi a lɛ na.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Danɛl 1:21

Danɛl daŋ ji ewurkpa na nna hale n ya fo kafɛ nɛ Pɛshiya be efuli so be ewura nɛ baa tre Sairus kɔ m pɔɔ Babilɔn be efuli so nseŋ ji kumo be kuwura na.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 4:25

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to. Nfɛ shunu nɛ fo wɔtɔ e ji afitiri fanɛ kena nseŋ naa dese kowu nɛ bunyaŋ e baa tɔr fo so. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”