Ɛzra 1:1 - EBƆRƐ BE KAWƆL

¹ Sairus ka ji Pɛshiya be kuwura be kafɛ juŋkparso to nɛ Enyɛnpe Ebɔrɛ na shin nɛ mbe kamalga nɛ e bɔla anebi Jɛremaya so m malga n nase na bɔlɔ so. E daŋ shin nna nɛ Pɛshiya be ewura Sairus sa ebɔl fanɛ b sibɛ n sa efuli na so ebi kikɛ ŋ kaŋɛ bumo fanɛ

Ɛzra 1:1 ပူးပေါင်းရင်းမြစ်များ

Ɛzra 1:5

Ndoŋ nna nɛ Juda nɛ Bɛnjamin be nnaŋ to be benimuana nɛ bɔrɛmatapoana nɛ Livaiebi nɛ bekama nɛ bumo be ŋgbene daa wɔ kebɛta n yɔ Jerusalɛm to na bela ase nɛ b yɔ Jerusalɛm n ya pɔr Enyɛnpe Ebɔrɛ na be lambu na.

Ɛzra 4:3

Nɛ Zerubabel nɛ Joshuwa nɛ Israɛl be mbunaana na be benimuana na malɛ kaŋɛ bumo: “Anyi maa sha menyi be kechɛto ashi bɔrɛlambu na be kepɔr n sa Enyɛnpe anyi be Ebɔrɛ na to. Anyi nawule beeŋ tiŋ m pɔr kumo fanɛ kananɛ Pɛshiya be ewura, Sairus yili na.”

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Ɛzra 6:3

Kafɛ nɛ ewurgboŋ Sairus ji kuwura na nɛ e sa kɔnɔ a yɔ Ebɔrɛ be lambu nɛ k wɔ Jerusalɛm to na be kaplɛa so le: “Bɔrɛlambu nɛ k daa wɔ Jerusalɛm to na daga kelɔŋɛ m pɔr nseŋ shin nɛ k baa la kakpa nɛ basa beeŋ baa lara esarga. Kumo be gbaltɔlase gba daga ketɔl. A daga kumo be jeŋgreŋ e baa la ayadra adekpanu nɛ kumo be mparto malɛ gba e baa la ayadra adekpanu.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nshɛ 106:46

E daŋ shin nɛ bumo doŋana shu bumo so nna.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Jɛremaya 1:1

Jɛremaya nɛ e la Hilkiya pibinyɛn nseŋ shi bɔrɛmatapoana be kanaŋ to ashi kade nɛ baa tre Anatɔf nɛ k wɔ Bɛnjamin be yiri to ebi be kasawule so na be mmalga nɛ e wɔ kawɔl ere to nde.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Ezikɛl 38:5

Pɛshiya nɛ Kush nɛ Libiya be efuliana so be benapo ti fo benapo na so nɛ bumo kikɛ malɛ kɔ abɛlso be asɔ kuŋamuso nɛ abɛlso be akpaŋwuro.

Danɛl 1:21

Danɛl daŋ ji ewurkpa na nna hale n ya fo kafɛ nɛ Pɛshiya be efuli so be ewura nɛ baa tre Sairus kɔ m pɔɔ Babilɔn be efuli so nseŋ ji kumo be kuwura na.

Danɛl 2:1

Ewura Nebukadneeza ka ji kuwura be kafɛ nyɔsopo to nɛ e ku edare. Edare na daŋ tɔrɔ mo ga hale nɛ e maŋ tiŋ nɛ e di.

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Danɛl 9:2

Mbe kuwura be kafɛ juŋkparso to nɛ n daa koya nwɔl cheembi na nsaa fɛ kananɛ Enyɛnpetale Ebɔrɛ na kaŋɛ anebi Jɛremaya fanɛ Jerusalɛm beeŋ mur nɛ esa kikɛ maa naa wɔ kumo to n ya fo nfɛ adushunu na be asheŋ.

Baru lela nɛ Jɔn kute na 1:23

Nɛ Jɔn ta anebi Aizaaya be mmalga ŋ kaŋɛ bumo le: “Ma e la esa nɛ mbe ebɔl bee ponte ashi kiyi to a kaŋɛ fanɛ: ‘Men lɔŋɛ Enyɛnpe be ekpa niŋiso n sa mo nɛ e bɔla so na.’ ”