Ezikɛl 9:9 - EBƆRƐ BE KAWƆL

⁹ Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Ezikɛl 9:9 ပူးပေါင်းရင်းမြစ်များ

2 Bewura 21:16

Ewura Manase daŋ mɔ basa damta nɛ b maŋ wora shɛŋ nna nɛ bumo be ŋklaŋ teŋi n sɔ Jerusalɛm be kubɔrbi so kikɛ. Ade kikɛ be kaman nɛ e naŋ shin nɛ Juda be efuli so be basa gba luri kagbirshuŋ to nseŋ wora kulubi ŋ gbiti Enyɛnpe Ebɔrɛ na.

2 Bewura 24:4

Enyɛnpe Ebɔrɛ daa maŋ ta m paŋ mo na so.

Job be kawɔl 22:13

Fo tama fanɛ tentembiri plɔ beeŋ tiŋ n ta fo ŋ ŋana Ebɔrɛ so a?

Nshɛ 10:11

Le nɛ baa kaŋɛ bumo be amu: “Ebɔrɛ be shɛŋ maŋ wɔtɔ. E buu mbe anishi so nna. E maa wu anyi.”

Nshɛ 94:7

Kumo be kaman nɛ b kaŋɛ le: “Enyɛnpe Ebɔrɛ na maa wu anyi. Jeekɔb be Ebɔrɛ na be shɛŋ maŋ wɔ anyi to.”

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 29:15

Asheŋ maaŋ nyalɛ n sa bekama nɛ baa ta bumo be ŋkre a ŋana Enyɛnpe Ebɔrɛ na so na! Baa wora asheŋ ŋgbalanto nna a fɛ fanɛ esa kikɛ maaŋ wu bumo ŋko m pin kusɔ nɛ baa wora na.

Aizaaya 47:10

Men daŋ ta asheŋ lubi be kewora nna fanɛ kebɛlso be kusɔ kuŋkumuso a kaŋɛ le: ‘Esa kama maa wu anyi!’ Men be kanyiasheŋ nɛ kashennyi e fule menyi, nɛ men yirda fanɛ men nawule e baa la ashi durnya to, esa kikɛ maŋ naa du fanɛ menyi.

Jɛremaya 2:34

Men mɔ basa nɛ b maŋ wora shɛŋ kikɛ nɛ k wora fanɛ bumo be ŋklaŋ ka gbiti menyi be asɔbuuso. Ama amo nɛ amo kikɛ

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Nfabel 1:5

Bedoŋ e naa ji kadegboŋ na so kuwura nsaa wɔ kumo to a wora bumo be kepar. Enyɛnpe Ebɔrɛ na e gberge Jerusalɛm be basa kusoe ŋkpal asheŋ lubi damta nɛ b wora na so. E shin nɛ bedoŋ pɛ bumo ŋ ki anya nna n yɔ efuli wɔfɔ so.

Ezikɛl 7:23

“Basa be kamɔ nɛ keta akɔsɔ a kɔ a fin kusɔ nɛ esa bee sha tintiŋ so sɔ efuli na be kaplɛkama nna.

Ezikɛl 8:12

Ndoŋ nna nɛ Ebɔrɛ kaŋɛ ma le: “Dimɛdi pibi, fo wu kusɔ nɛ Israɛl be benimuana ere bee wora ashiri to nna na, ŋko? Bumo be ekama yil mbe kegbir ase nna na. B yɛ: ‘Enyɛnpe Ebɔrɛ na maa wu anyi. Mo alɛ naŋ lar efuli na kaman nna.’ ”

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

Habakuk 1:4

Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

Zefanaiya 1:12

Kumo be jemanɛ so, meeŋ chɔɔ fitila so n nite ŋ keni Jerusalɛm to n fin bekama nɛ asheŋ maŋ tir bumo nɛ baa kaŋɛ fanɛ Enyɛnpe Ebɔrɛ na maaŋ wora kulubi ŋko kelela na, nseŋ gberge bumo kusoe.

Luuk 11:50

Amoso, anebiana nɛ b lar nɛ baa mɔ a mɔ bumo jemanɛ nɛ durnya fara na kikɛ m ba fo mbre be luwu be turju beeŋ bɛ mbreebi.

Ditɛronɔmi 31:29

Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”

Ditɛronɔmi 32:5

Ama menyi ere maa ji kashenteŋ; menyi nɛ men la alubi nɛ efɛ be efuli so ebi ere; a maŋ daga fanɛ men baa la mbe basa gba.