Ezikɛl 9:3 - EBƆRƐ BE KAWƆL

³ Ndoŋ nna nɛ Israɛl be Ebɔrɛ na be kemaŋkura na lar asɔbɔya keniso nɛ a kɔ mbuibi be aba nɛ baa tre ‘chɛrubim’ na be kumu ase n yɔ bɔrɛlambu na be kabuna to. Nɛ Enyɛnpe Ebɔrɛ na tre kanyɛn nɛ e buu piŋi lela na nsaa kɔ kasibɛ be asɔ enɔ to na

Ezikɛl 9:3 ပူးပေါင်းရင်းမြစ်များ

Ezikɛl 10:4

Ndoŋ nna nɛ Enyɛnpe Ebɔrɛ na be kemaŋkura shi asɔbɔya keniso na be amu so n yɔ bɔrɛlambu na be kabuna to nɛ kuwɔlpa na sɔ bɔrɛlambu na to kikɛ nɛ Enyɛnpe Ebɔrɛ na be kemaŋkura shin nɛ kelɔnɛ na kikɛ to fulto parr.

Ezikɛl 3:23

Ndoŋ nna nɛ ŋ koso n yɔ ketaŋɛ na to nseŋ ya wu fanɛ Enyɛnpe Ebɔrɛ na be kemaŋkura sɔ kaplɛkama, fanɛ kumo nɛ n daŋ wu ashi Lɔr nɛ baa tre Kɛba ase na, nɛ n ta enɔ m buu anishi so nseŋ tɔr epun so.

Ezikɛl 8:4

Ndoŋ nɛ ŋ wu Israɛl be Ebɔrɛ na be kemaŋkura fanɛ kumo nɛ n daŋ wu jemanɛ nɛ n daa wɔ Lɔr nɛ baa tre Kɛba na ase na.

Ezikɛl 9:2

Epul to nɛ benyɛn ashe ko shi bɔrɛlambu na be kabuna nɛ k wɔ kelargato be esoso be kaba so na m ba. Bumo be ekama daa bɔ kekɔsɔ enɔ to nna. Kanyɛn ko nɛ e daŋ buu piŋi lela nsaa kɔ kasibɛ be asɔ enɔ to gba daŋ ti bumo so nna. Bumo kikɛ ba luri bɔrɛlambu na to nna n ya yili danyaŋ be bɔrɛsure na ase.