Ezikɛl 9:1 - EBƆRƐ BE KAWƆL

¹ Ade be kaman nɛ n nu Ebɔrɛ ka ponte ŋ kaŋɛ: “Menyi nɛ b lara fanɛ men gberge kadegboŋ na to be basa kusoe na e ta menyi be akɔsɔ m bɔɔ enɔ m ba Jerusalɛm to.”

Ezikɛl 9:1 ပူးပေါင်းရင်းမြစ်များ

2 Bewura 10:24

Ndoŋ nna nɛ Jehu nɛ Jonadab luri nɛ b ya lara esarga nɛ esarga chɔɔso n sa Baal. Ama Jehu daŋ kaŋɛ benapo aduburwa nɛ e shin nɛ b ŋana n yili kegbirlambu na be ketamanto na le nna: “Men mɔ Baal be beshumpo ere kikɛ, men sa maŋ shin nɛ bumo be ekama e shile. Fo kama nɛ fo shin nɛ bumo be ekama nya n shile, feeŋ ta fo ŋkpa n tal mo peya to!”

1 Kronikɛls 21:15

Enyɛnpe Ebɔrɛ ka shuŋi malaika fanɛ e ya mur Jerusalɛm na, nɛ kuwɔr naŋ pɛ mo nɛ e chɛrga mbe nfɛra a yɔ basa na be kasogberge be kaplɛa so nseŋ kaŋɛ malaika nɛ e bee mɔ bumo na le: “K nyalɛ loŋ, Lara fo enɔ ashi bumo be asheŋ to!” Kumo be jemanɛ na nɛ Malaika na teŋ fo Aruna nɛ e shi Jerusalɛm na be kugooro na ase.

Ɛksodɔs 12:23

Saŋɛ na so Enyɛnpe Ebɔrɛ na baŋ luri Ijipt to nɛ e mɔ ewurkoŋnyɛn nseŋ wu ŋklaŋ ka gbiti menyi be akuloŋ be esoso nɛ akel to, e beeŋ baŋ amo so n choŋ nɛ emɔpo na maaŋ luri menyi be elaŋ to m mɔ menyi be ewurkoŋnyɛn.

Aizaaya 6:8

Kede be kaman nɛ n nu Enyɛnpe Ebɔrɛ na ka kaŋɛ le: “Wanɛ nɛ meeŋ shuŋi? Wanɛ e naaŋ baa la anyi be kabɔ?” Nɛ n shuli ŋ kaŋɛ: “Meeŋ yɔ! Shuŋi ma!”

Jɛremaya 4:6

B ŋini ekpa nɛ k bee yɔ Jerusalɛm be kadegboŋ na to a yɔ! Men shile m mɔlga menyi be amu nsaa maŋ wora epel! Ŋkpal manɛ so, Enyɛnpe Ebɔrɛ na beeŋ shin nɛ kemur cheche gboŋgboŋi e shi kelargato be esoso m ba.

Ezikɛl 43:3

Bɔrɛdare nɛ n wu ere daa du fanɛ amo nɛ n daŋ wu jemanɛ nɛ Ebɔrɛ daŋ ba nɛ e ba mur kadegboŋ nɛ baa tre Jerusalɛm na nna nɛ jemanɛ nɛ n daa wɔ lɔr nɛ baa tre Kɛba na ase na nna. Ndoŋ nna nɛ n ta enɔ m buu anishi so nseŋ kurgi kumu n yuu to epul na to.

Kelaraŋŋini 14:7

Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”