Ezikɛl 8:3 - EBƆRƐ BE KAWƆL

³ Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.

Ezikɛl 8:3 ပူးပေါင်းရင်းမြစ်များ

1 Bewura 18:12

Ŋ kaŋ lar fo kutɔ, m maŋ nyi kakpa nɛ Enyɛnpe Ebɔrɛ na be kiyoyu beeŋ ta fo n yɔ. Ŋ kaŋ ya kaŋɛ Ahab fanɛ fo wɔ nfe, nɛ e maŋ wu fo nfe, e beeŋ mɔ ma. Baa nyiŋi fanɛ n fara a bunyaŋ Ebɔrɛ saŋɛ so nɛ n la kebifɔlbi kikɛ nna.

2 Bewura 16:14

Danyaŋ be bɔrɛsure nɛ b daŋ ta m bɔɔ Enyɛnpe Ebɔrɛ enɔ na daa yil bɔrɛsure popɔr na nɛ bɔrɛlambu na be kefɛato nna, amoso ewura Ahaz daŋ shin nna nɛ b lɔŋɛ danyaŋ be bɔrɛsure na n yili bɔrɛsure popɔr na be kekilto ashi kelargato be esoso be kaba so.

2 Bewura 2:16

ŋ kaŋɛ le: “Anyi basa adunu e ba nfe, anyi alɛ kikɛ kɔ eleŋ. Shin nɛ an ya fin fo nyɛnpe. Ashere Enyɛnpe Ebɔrɛ na be kiyoyu maŋ mo so nna n ya lɛ kebeegboŋ ko so ŋko ketaŋɛ ko to.” Nɛ Elaisha kaŋɛ le: “M-m, men sa maŋ yɔ.”

2 Bewura 21:7

E daŋ ta kegbirche Ashira be kapɔrduli nna n yili bɔrɛlambu nɛ Ebɔrɛ malga kumo be asheŋ n sa ewura Deevid nɛ mo pibinyɛn ewura Sɔlɔmɔn na to. Ebɔrɛ yɛ: “Bɔrɛlambu ere ashi Jerusalɛm nɛ n lara ashi Israɛl be efuli so kikɛ fanɛ b baa bunyaŋ ma kumo to mbaanaayɔ.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Ɛksodɔs 20:4

Men sa maŋ kaŋ lɔŋɛ kusɔ kama nɛ k wɔ ebɔrɛso ŋko kasawule so ŋko nchu to ashi kasawule be kaseto be kaduli

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Jɛremaya 32:34

B ta bumo be agbirana nɛ ŋ kishi amo be asheŋ ga na nna n yili ma bɔrɛlambu nɛ k daga fanɛ b baa shuŋ ma kumo to na to, n shin nɛ k wora eyurpi daŋkare be ekpa so.

Jɛremaya 7:30

Juda be basa wora kulubi ko. B ta agbirana nɛ ŋ kishi amo be asheŋ m ba ma bɔrɛlambu to nɛ k wora eyurpi daŋkare be ekpa so.

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 10:3

Jemanɛ nɛ kanyɛn na bee yɔ na nɛ asɔbɔya keniso na yil a laŋɛ bɔrɛlambu na be kelargato be kaseto na nna, nɛ kuwɔlpa buu bɔrɛlambu na be epunto be kelɔnɛ na kikɛ so.

Ezikɛl 11:1

Ade kikɛ be kaman, nɛ Ebɔrɛ be Kiyoyu ta ma m ba Enyɛnpe Ebɔrɛ na be bɔrɛlambu na be kabuna nɛ k shoŋi epeŋilarkpa be kaba so na ase nɛ n wu benyɛn adunyɔ nɛ anu ko nɛ efuli na be bejuŋkparpo anyɔ ti bumo so. Bumo e la kanyɛn nɛ baa tre Jaazania nɛ e la Azzu pibinyɛn na nɛ emo nɛ baa tre Pɛlatiya nɛ mo alɛ la Bɛnaya pibinyɛn na.

Ezikɛl 11:24

Nɛ Ebɔrɛ be Kiyoyu ta ma m bɛta m ba basa nɛ ma nɛ bumo daa wɔ Babilɔn be efuli so na kutɔ ashi bɔrɛdare na to. Ndoŋ nna nɛ bɔrɛdare nɛ n daa ku na loge,

Ezikɛl 2:9

Ndoŋ nna nɛ ŋ keni nseŋ wu enɔ nɛ kawɔl sibɛso ko bɔɔ to a wɔ enɔ na to nɛ k teŋi n shoŋi ma.

Ezikɛl 3:12

Ndoŋ nna nɛ Ebɔrɛ be Kiyoyu maŋ ma so n yɔ esoso, nɛ n nu ebɔl ko ka bee ponte awɔrso fanɛ bɔrɛ ka ponte na ma kaman to a kaŋɛ le: “Enyɛnpe Ebɔrɛ na be kemaŋkura e baa nya bunyaŋ ashi ebɔrɛso!”

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Ezikɛl 37:1

Saŋko ka fo nɛ Enyɛnpe Ebɔrɛ na be eleŋgboŋ na gbelge ma so nɛ mbe Kiyoyu ta ma ŋ gbelge to n yɔ ketaŋɛ ko to nɛ awibi sɔ kaplɛkama a dese.

Ezikɛl 40:2

Ndoŋ nna nɛ ŋ ku bɔrɛdare n wu fanɛ Ebɔrɛ ka keta ma n yɔ Israɛl be kasawule so n ya yili kebee jeŋgreŋ ko so nɛ ŋ keni kelargato be kaseto be kaba so n wu nwu damta ko nɛ a duli fanɛ kadegboŋ na.

Ezikɛl 43:5

Kumo be kaman, nɛ Enyɛnpe Ebɔrɛ na be Kiyoyu keta ma n luri bɔrɛlambu na be laŋ be epunto be kelɔnɛ so nɛ n ya wu fanɛ Enyɛnpe Ebɔrɛ na be kemaŋkura sɔ bɔrɛlambu na to kikɛ.

Ezikɛl 43:8

Israɛl be bewura daŋ pɔr bumo be ewurkpaana nna m mata ma bɔrɛlambu cheembi na ga. Egbal e daa wɔ ma nɛ bumo be nferinto. B daa wora asheŋ jiga nna a ŋaba ma ketre cheembi na, amoso nɛ n daŋ nya agbo m mur bumo na.

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Ezikɛl 7:20

B daa puchi ŋkpal abitasɔ lela nɛ b kɔ so nna nseŋ ta amo ŋ wora agbirana nɛ amo be asheŋ bee nu agbo. Amoso meeŋ shin nɛ abitasɔ na e ki fuloŋ, nsaa maŋ naa kɔ tɔnɔ n sa bumo.

Ezikɛl 8:5

Kumo be kaman nɛ Ebɔrɛ kaŋɛ ma le: “Dimɛdi pibi, Ezikɛl, to kenishi ŋ keni kelargato be esoso be kaba so na.” Nɛ n to kenishi ŋ keni nseŋ wu kegbir nɛ basa na ta n yili nɛ kumo be asheŋ bee nu Ebɔrɛ agbo ga na bɔrɛsure nɛ k wɔ bɔrɛlambu na be epunto be kelɔnɛ na be kabuna nɛ k wɔ a laŋɛ kelargato be esoso be kaba so na ase.

Ezikɛl 9:2

Epul to nɛ benyɛn ashe ko shi bɔrɛlambu na be kabuna nɛ k wɔ kelargato be esoso be kaba so na m ba. Bumo be ekama daa bɔ kekɔsɔ enɔ to nna. Kanyɛn ko nɛ e daŋ buu piŋi lela nsaa kɔ kasibɛ be asɔ enɔ to gba daŋ ti bumo so nna. Bumo kikɛ ba luri bɔrɛlambu na to nna n ya yili danyaŋ be bɔrɛsure na ase.

Danɛl 10:10

Ndoŋ nna nɛ enɔ ko pɛ ma to m maŋ so nɛ ŋ gbir ma amuli so nɛ ma enɔ yirgi kasawule so nɛ mee chicha.

Danɛl 10:18

Nɛ malaika na naŋ pɛ ma to nɛ n naŋ nya eleŋ.

Danɛl 5:5

Epul to nɛ dimɛdi be enɔ lar m ba kaa sibɛ kusɔ ko a deŋi ewura be lambu na be egbal na be kakpa nɛ b la nɛ efitila bee fulto a yuu kumo so na so. Ewura na gbagba daŋ wu enɔ na ka bee sibɛ.

Ashuŋ Shunso 8:39

B ka bee lar nchu na to nɛ Enyɛnpe be Kiyoyu na ba ta Filip ndoŋ nɛ krachigboŋ na maŋ naŋ wu mo nseŋ la to m pɛ ekpa a yɔ nɛ kagbenefuli.

Ditɛronɔmi 32:16

Bumo be kagbirshuŋ daŋ shin nɛ Enyɛnpe Ebɔrɛ na be kukɔrkɔ koso nna; nɛ bumo be asheŋ lubi shin nɛ mbe kagbene kaa.

Ditɛronɔmi 32:21

B daŋ bunyaŋ agbirana nɛ a maŋ kɔ tɔnɔ n shin nɛ ma kukɔrkɔ koso nɛ n nya agbo. Amoso meeŋ shin nɛ men be kukɔrkɔ nɛ agbo e koso, ŋkpal kusɔ nɛ meeŋ wora efuli nɛ k maa wu kuwɔr nsaa maa kɔ tɔnɔ be basa so.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Ditɛronɔmi 5:9

Men sa maŋ kaŋ gbir m bunyaŋ kegbir kikɛ ŋko n shuŋ kumo, ŋkpal manɛ so, ma e la Enyɛnpe, menyi be Ebɔrɛ nɛ m maa sha echamana na. Ma e naa gberge bekama nɛ b kishi ma nɛ bumo be kamanebi kusoe hale n ya fo bumo be kenanafofo nɛ kenana gbiramuli.

Ditɛronɔmi 6:15

Nɛ men kaŋ shuŋ agbirana, Enyɛnpe Ebɔrɛ na be agbo beeŋ ba menyi so fanɛ edɛ m ba mur menyi cheche ashi durnya ere to. Ŋkpal manɛ so, Enyɛnpe menyi be Ebɔrɛ nɛ e wɔ menyi kutɔ na maa sha kechamana.

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.