Ezikɛl 8:2 - EBƆRƐ BE KAWƆL

² Ndoŋ nna nɛ ŋ keni nseŋ wu kusɔ ko ka du fanɛ dimɛdi be kaduli ka yil a kpa edɛ. Yili kumo be kashɛr ase m ba aya ase daa du fanɛ edɛ na, nɛ yili kumo be kashɛr ase n dii a yɔ kumo be kumu ase malɛ daa nyɛkpɛ fanɛ danyaŋ nɛ b fɛfa so na.

Ezikɛl 8:2 ပူးပေါင်းရင်းမြစ်များ

Ezikɛl 1:4

Ndoŋ nna nɛ ŋ keni esoso n wu bɔrɛ be afugboŋ ko ka shi kelargato be esoso be kaba so a ba. Bɔrɛ daa nyɛkpɛ kuwɔlpagboŋ ko to nna nɛ esoso kikɛ fulto. Edɛ daa lar kuwɔlpagboŋ na be nferinto a nyɛkpɛ fanɛ danyaŋ nɛ k la kachɔnɔnyifu nɛ b fifɛa kumo so na nna.

Ezikɛl 40:3

Nɛ Enyɛnpe Ebɔrɛ na firgi ma n taga amo to nɛ wu esa ko nɛ e bee nyɛkpɛ fanɛ b ka fifɛa danyaŋ so na, nɛ e kɔ wajɛchɛbi be kusɔ nɛ baa ta a karga asɔ be nteŋ nɛ kekpabi nɛ b kɔ a karga asɔ na mbe enɔ to nsaa yil kabunagboŋ ase ashi bɔrɛdare na to.

Ezikɛl 8:1

B ka pɛ anyi n tintiŋ anyi n yɔ Babilɔn be efuli so na be kafɛ shesopo na to be kufɔl shesopo be kachɛ nusopo na, nɛ ma nɛ Juda be benimuana chena ma nɛ Enyɛnpetale Ebɔrɛ na be eleŋgboŋ gbelge ma so ndoŋ epul to.

Danɛl 10:6

Mbe eyur daŋ baa kpa edɛ nna fanɛ digi, nɛ mbe anishiakpa malɛ fuli parr fanɛ bɔrɛ ka nyɛkpɛ na. Mbe anishi malɛ daa du nna fanɛ edɛ be adondulombi. Mbe enɔ nɛ mbe aya daa kpa edɛ nna fanɛ b ka fɔr danyaŋ so na, nɛ mbe ebɔl malɛ du fanɛ jimaŋ damta ka bee cha awɔr na.