Ezikɛl 8:1 - EBƆRƐ BE KAWƆL

¹ B ka pɛ anyi n tintiŋ anyi n yɔ Babilɔn be efuli so na be kafɛ shesopo na to be kufɔl shesopo be kachɛ nusopo na, nɛ ma nɛ Juda be benimuana chena ma nɛ Enyɛnpetale Ebɔrɛ na be eleŋgboŋ gbelge ma so ndoŋ epul to.

Ezikɛl 8:1 ပူးပေါင်းရင်းမြစ်များ

2 Bewura 6:32

Kumo be kaman nɛ e shuŋi kabɔ Elaisha kutɔ nɛ benimu ko malɛ baŋ ba nɛ b ba bɔɔ Elaisha so. Ama pɔɛŋ nɛ kabɔ na e ba na nɛ Elaisha tiŋ ŋ kaŋɛ benimu nɛ b ba nɛ b ba bɔɔ mo so na le: “Emɔpo na shuŋi esa ko fanɛ e ba mɔ ma. E kaŋ ba men ti kukuloŋ n sa maŋ shin nɛ e luri ebu ere to. Ewura na gba yil mbe kaman nna.”

Ezikɛl 14:1

Kachako nɛ Israɛl be benimuana na be beko ba chena ma anishi to a fin kubɔya nɛ k shi Enyɛnpe Ebɔrɛ na kutɔ.

Ezikɛl 14:4

Amoso kaŋɛ bumo kusɔ nɛ ma Enyɛnpetale Ebɔrɛ na kaŋɛ. Kumo e la fanɛ Israɛl be esa kikɛ nɛ e ta mbe kagbene n wɔtɔ kagbirshuŋ to nseŋ shin nɛ k yɛr mo kulubi to, kumo be kaman nɛ e yɔ anebi kutɔ n ya kaa fin e nu ma kɔnɔ to be kamalga, ma Enyɛnpe Ebɔrɛ na beeŋ sa mo kubɔya nɛ k daga mo.

Ezikɛl 20:1

B ka pɛ ewura Jehowachin nɛ anyi be beko n yɔ Babilɔn be efuli so na be kafɛ shunusopo to be kufɔl nusopo to be kachɛ kudusopo na nɛ Israɛl be benimuana ko ba chena ma anishi to a fin kenu kusɔ nɛ Enyɛnpe Ebɔrɛ na kɔ nɛ e kaŋɛ bumo.

Ezikɛl 24:1

B ka daŋ pɛ anyi be galeŋga nɛ ewura Jehowachin kenya n yɔ Babilɔn be efuli so na be kafɛ kpanusopo na to be kufɔl kudusopo na be kachɛ kudusopo na, nɛ Enyɛnpe Ebɔrɛ na kaŋɛ ma le:

Ezikɛl 26:1

B ka pɛ ewura Jehowachin nɛ anyi be galeŋga kenya n yɔ Babilɔn be efuli so na be kafɛ kudukakosopo na to be kufɔl na be kachɛ juŋkparso na nɛ Enyɛnpe Ebɔrɛ na kaŋɛ ma le:

Ezikɛl 29:1

B ka pɛ anyi be beko nɛ ewura Jehowachin n yɔ kenyaya to ashi Babilɔn be efuli so na be kafɛ kudusopo na to be kufɔl kudusopo na be kachɛ kudu anyɔsopo na nɛ Enyɛnpe Ebɔrɛ na kaŋɛ ma le.

Ezikɛl 29:17

B ka pɛ ewura Jehowachin nɛ anyi be beko n yɔ Babilɔn be efuli so kenyaya to na be kafɛ adunyɔ nɛ ashunusopo na to be kufɔl sososo na be kachɛ sososo na nɛ Enyɛnpe Ebɔrɛ na naŋ kaŋɛ ma le:

Ezikɛl 3:12

Ndoŋ nna nɛ Ebɔrɛ be Kiyoyu maŋ ma so n yɔ esoso, nɛ n nu ebɔl ko ka bee ponte awɔrso fanɛ bɔrɛ ka ponte na ma kaman to a kaŋɛ le: “Enyɛnpe Ebɔrɛ na be kemaŋkura e baa nya bunyaŋ ashi ebɔrɛso!”

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Ezikɛl 3:22

Kumo be kaman nɛ Enyɛnpe Ebɔrɛ na be eleŋgboŋ na ba ma so, nɛ e kaŋɛ ma: “Koso n yɔ ketaŋɛ to nɛ n ya kaŋɛ fo kusɔ ko ndoŋ.”

Ezikɛl 30:20

B ka pɛ ewura Jehowachin nɛ anyi be beko n yɔ kenyaya to ashi Babilɔn be efuli so na be kafɛ kudukakosopo na to be sososo be kufɔl na to be kachɛ shunusopo na nɛ Enyɛnpe Ebɔrɛ na kaŋɛ ma le:

Ezikɛl 31:1

B ka daŋ pɛ ewura Jehowachin nɛ anyi be galeŋga anya n yɔ Babilɔn be efuli so na be kafɛ kudukakosopo to be kufɔl sasopo na to be kachɛ sososo na nɛ Enyɛnpe Ebɔrɛ na kaŋɛ le:

Ezikɛl 32:1

B ka pɛ ewura Jehowachin nɛ anyi be galeŋga anya n yɔ Babilɔn be efuli so na be kafɛ kudu anyɔsopo na be kufɔl kudu anyɔsopo na to be kachɛ sososo na, nɛ Enyɛnpe Ebɔrɛ na kaŋɛ ma le:

Ezikɛl 32:17

B ka pɛ anyi be beko nɛ ewura Jehowachin n yɔ kenyaya to na be kafɛ kudu anyɔsopo na to be kufɔl juŋkparso na be kachɛ kuduanusopo na nɛ Enyɛnpe Ebɔrɛ na kaŋɛ ma le.

Ezikɛl 33:22

Pɔɛŋ nɛ esa na ba ma kutɔ na be kaaseso, Enyɛnpe Ebɔrɛ na be eleŋgboŋ daŋ gbelge ma so nna nɛ e shin nɛ ma kɔnɔ bugi nɛ n tiŋ m malga pɔɛŋ nɛ kanyɛn na ba ma kutɔ kumo be ŋklade kachipurso na.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Ezikɛl 37:1

Saŋko ka fo nɛ Enyɛnpe Ebɔrɛ na be eleŋgboŋ na gbelge ma so nɛ mbe Kiyoyu ta ma ŋ gbelge to n yɔ ketaŋɛ ko to nɛ awibi sɔ kaplɛkama a dese.

Ezikɛl 40:1

B ka pɛ anyi be beko nɛ ewura Jehowachin kenya n tintiŋ anyi n yɔ Babilɔn be efuli so na be kafɛ adunyɔ nɛ anu nɛ Babilɔnebi ka kɔ n suge Jerusalɛm na be kafɛ kuduanasopo to be kufɔl juŋkparso na be kachɛ kudusopo na nɛ Enyɛnpe Ebɔrɛ na be eleŋgboŋ gbelge ma so nɛ e keta ma n yɔ Jerusalɛm.

Ezikɛl 7:27

Ewura beeŋ shu nɛ benimuana na e paŋ tama nɛ kufu e tɔr basa na kikɛ so nɛ b baa chicha. Bumo be aworbi so nɛ meeŋ gberge bumo kusoe nseŋ wora bumo kusɔ nɛ b ta n wora beko na. Ndoŋ nɛ baaŋ pin fanɛ ma, e la Enyɛnpe Ebɔrɛ na.”

Ezikɛl 8:2

Ndoŋ nna nɛ ŋ keni nseŋ wu kusɔ ko ka du fanɛ dimɛdi be kaduli ka yil a kpa edɛ. Yili kumo be kashɛr ase m ba aya ase daa du fanɛ edɛ na, nɛ yili kumo be kashɛr ase n dii a yɔ kumo be kumu ase malɛ daa nyɛkpɛ fanɛ danyaŋ nɛ b fɛfa so na.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Ashuŋ Shunso 20:33

M maŋ yɛlga esa kama be gbiti ŋko shuwa ŋko asɔbuuso.