Ezikɛl 7:8 - EBƆRƐ BE KAWƆL

⁸ Meeŋ shin nɛ ma agbogboŋ e ba menyi so nɛ n ji menyi demu ŋkpal menyi be eda lubi so nseŋ gberge menyi kusoe ŋkpal menyi be aworbi lubi nɛ ŋ kishi na so.

Ezikɛl 7:8 ပူးပေါင်းရင်းမြစ်များ

2 Kronikɛls 34:21

“Enyɛnpe Ebɔrɛ na be agbo beeŋ ba wɔ ma nɛ ma basa kama nɛ b kra wɔ Israɛl nɛ Juda na so ga ŋkpal an nananyɛnana ka maŋ nu n sa mo nseŋ kini kewora kusɔ nɛ kawɔl ere bee ŋini fanɛ b wora na so. Amoso men ya bishi n fin kusɔ nɛ Enyɛnpe Ebɔrɛ na bee sha fanɛ an wora.”

Nshɛ 79:6

Laŋɛ fo agbo na n deŋi efuli pɔtɛana nɛ b maa bunyaŋ fo ŋko a shu a tre fo ketre na so,

Aizaaya 42:25

Amoso nɛ e shin nɛ mbe agbogboŋ ba anyi so nseŋ shin nɛ kena lubi koso anyi so na. Mbe agbo daŋ suse fanɛ edɛ nna ashi Israɛl kikɛ to, ama an daa maŋ nyi kusɔ nɛ k daa wora na. Anyi alɛ daa maŋ koya shɛŋ kumo to.

Jɛremaya 36:31

Meeŋ gberge fo nɛ fo kaman to ebi nɛ benimuana na kusoe ŋkpal alubi nɛ men wora kikɛ so. Fo nɛ Juda nɛ Jerusalɛm be basa na be ekama maŋ wɔtɔ lakal kasokpele nɛ n sa menyi na to. Amoso asheŋ maaŋ nyalɛ n sa menyi kikɛ!”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Nfabel 2:4

E daa to anyi mbe atanyembi nna fanɛ edoŋ na. Nseŋ daŋ mɔ basa kama nɛ b daa bar anyi kagbenewushi nɛ kagbenefuli na. E daŋ shin nɛ mbe agbo ba fanɛ edɛ nna m ba chɔɔ anyi be nwu nɛ a wɔ Jerusalɛm to na n lɛ kasawule.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 11:21

Ama meeŋ gberge bekama nɛ bumo be ŋgbene kraa wɔ bumo be agbirana nɛ ŋ kishi nɛ a la ekishisheŋ n sa ma na kusoe ŋkpal bumo be asheŋ lubi so. Ma, Enyɛnpetale Ebɔrɛ e kaŋɛ na.”

Ezikɛl 14:19

Ŋko nɛ fanɛ n nya agbo nna nseŋ shin nɛ kulɔ mɔso tɔr efuli na so a mɔ basa nɛ asɔbɔya kikɛ,

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 18:30

“Ma, Enyɛnpetale Ebɔrɛ na e naa kaŋɛ menyi Israɛl be basa fanɛ meeŋ ji menyi be ekama demu ŋkpal kusɔ nɛ e wora so. Amoso, men tuba ashi menyi be asheŋ woraso lubi to. Nɛ mannɛ aloŋ, a beeŋ yɛr menyi kemur to.

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Ezikɛl 20:21

Ama ashi keshishɛrsawule na so ndoŋ, mbia na gba lar ma kaman nseŋ kini kebɛ ma mbraana nɛ ma keŋini so. Bumo alɛ gba naŋ keni ma Kewushiachɛ na jiga nna. Amoso nɛn daŋ kaŋɛ fanɛ meeŋ shin nɛ ma agbo e ba bumo so ashi kiyi na to ndoŋ.

Ezikɛl 20:33

Ma Enyɛnpetale Ebɔrɛ na e naa kaŋɛ menyi kashenteŋto na fanɛ meeŋ ta eleŋ n ji kuwura menyi so nɛ men pin kananɛ ma agbogboŋ du.

Ezikɛl 20:8

Ama b pal kaman n sa ma nseŋ kini kenu n sa ma. B daŋ maŋ lara asɔ nɛ b ta ŋ ki agbirana ashuŋ nseŋ ta bumo be anishi n yuu amo so na ashi bumo to. Bumo alɛ daa maŋ naŋ kini Ijipt be efuli so be agbirana na gba. Amoso nɛ n daŋ kaŋɛ fanɛ meeŋ shin nɛ ma agbo a ba bumo so nɛ ŋ gberge bumo kusoe ashi Ijipt ndoŋ na.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Ezikɛl 30:15

Kumo be kaman nɛ n shin nɛ Ijipt be kade nɛ b pɔr egbal ŋ kuŋ kumo nɛ baa tre kumo Pɛlusium na to be basa e pin kananɛ ma agbo du. Ma alɛ beeŋ naŋ mur Tɛɛbis be benapo damta.

Ezikɛl 33:20

Ama menyi Israɛl be basa bee kaŋɛ fanɛ m maa wora asheŋ nɛ amo be ekpa so. Kusɔ nɛ menyee wora nɛ meeŋ yili so n ji menyi demu.

Ezikɛl 6:12

Alɔ beeŋ mɔ bumo nɛ b wɔ kufɔ kufɔ nɛ bumo nɛ b taga to malɛ e wu kena to nɛ bumo nɛ baaŋ nya bumo be amu n ji efute malɛ e wu ŋkpal akoŋ so. Kananɛ ma agbogboŋ beeŋ gbelge bumo so nna na.

Ezikɛl 7:27

Ewura beeŋ shu nɛ benimuana na e paŋ tama nɛ kufu e tɔr basa na kikɛ so nɛ b baa chicha. Bumo be aworbi so nɛ meeŋ gberge bumo kusoe nseŋ wora bumo kusɔ nɛ b ta n wora beko na. Ndoŋ nɛ baaŋ pin fanɛ ma, e la Enyɛnpe Ebɔrɛ na.”

Ezikɛl 7:9

M maaŋ wu menyi kuwɔr, ma alɛ maaŋ yige menyi nɛ men ta menyi be amu n ya ji. Meeŋ gberge menyi kusoe ŋkpal menyi be eda nɛ aworbi lubi so. Ndoŋ nɛ menyeeŋ pin fanɛ ma Enyɛnpe Ebɔrɛ na e naa gberge menyi kusoe na.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Ezikɛl 9:8

B ka fara kamɔ na a yɔ nɛ n nawule ka a yil, nseŋ kurgi kumu n yuu to m boŋ to ŋ kaŋɛ le: “Enyɛnpetale Ebɔrɛ, ŋkpal fo ka nya agbo ga n wora Jerusalɛm to be basa so, fee sha nna nɛ fo mɔ Israɛl be basa nɛ b ka ere kikɛ a?”

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Hoziya 5:10

Enyɛnpe Ebɔrɛ yɛ: “Ŋkpal Juda be bejuŋkparpoana ka puni Israɛlebi be kasawule so, ma kasogberge beeŋ ba bumo so fanɛ nchu ka bɔlɔ n sɔ kakpa kikɛ na.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.