Ezikɛl 7:7 - EBƆRƐ BE KAWƆL

⁷ Menyi nɛ men wɔ Israɛl be kasawule so na beeŋ mur. Saŋɛ na fo, demujiachɛ na taga to. Keyeŋiyeŋi beeŋ tɔr menyi so nɛ men maaŋ naŋ tiŋ n ji eyur kagbenefuliso ashi abee so be kakpa nɛ menyee shuŋ agbirana na.

Ezikɛl 7:7 ပူးပေါင်းရင်းမြစ်များ

Jɛnesis 19:15

Kaboŋ ka ba kpaŋɛ to nɛ emalaika na wora ania fanɛ baaŋ shin nɛ Lɔt e wora manaŋ nseŋ kaŋɛ mo le: “Wora manaŋ n ta fo eche nɛ fo bibiche anyɔ ere n lar, saŋɛ na so men maaŋ paŋ menyi be ŋkpa saŋɛ nɛ kade ere bee mur na.”

Jɛnesis 19:24

K maŋ chɛr nɛ Enyɛnpe shin nɛ chɛbra shi esoso a chɔ a wurge Sodɔm nɛ Gomɔra be nde na so fanɛ bɔrɛ ka bee ba na,

Aizaaya 13:22

Ekuntuŋ nɛ ejiŋkaamu beeŋ baa nite kadegboŋ na be ebu jeŋgreŋana nɛ a kɔ eleŋ ga na nɛ bewura be elambu nɛ a walɛ ga na to a shu. Ŋkpal manɛ so, Babilɔn be kemur be jemanɛ na fo.”

Aizaaya 16:10

Esa kama b kagbene maŋ fuli ŋkpal nsawule na ka maŋ naa wora adɔjibi ga na so. Esa kikɛ maa boŋ nshɛ ashi waindibi be adɔana to. Ekama maŋ naa nya afeelebi be asɔrso nɛ baa tre greeps na a wora nsa. Esa kama maŋ naa nu kagbenefuliso be awɔr gba kuraa.

Aizaaya 17:14

Baa kɔ kenishipereso nna a ta kufu a pɛ basa kaaseso, ama ta a ba kachipurso nɛ b mur nsaa maŋ naa wɔtɔ. Kusɔ nɛ k bee tu bekama nɛ baa ta eleŋsheŋ a kɔ a suge anyi be asɔ nna na.

Aizaaya 22:5

Le be jemanɛ ere la keyeŋiyeŋi nɛ kekɔ n tɔr nɛ kebagato be saŋɛ nna ashi Ebɔrɛdare be Ketaŋɛ na to. Enyɛnpetale Ebɔrɛ na malɛ e bar kumo anyi so. Anyi be kadegboŋ na be egbalana nɛ b da n lɛ nɛ ekama bee shu a fin kechɛto ashi abee so.

Jɛremaya 20:7

Enyɛnpe Ebɔrɛ, fo kɔ eleŋ a chɔ ma, fo alɛ pɔɔ ma so nna kashenteŋto. Ama kewora ma fanɛ fo kplaŋ ma so nɛ asheŋ bri ma nna. Ekama bee wora ma eyur to nna a mushe ma karechɛ kikɛ.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Ezikɛl 12:28

Amoso kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Ma mmalga ere be kekama maaŋ chɛr nseŋ wora m bɔlɔ so. Kusɔ kama nɛ ŋ kaŋɛ beeŋ wora m bɔlɔ so. Ma, Enyɛnpetale Ebɔrɛ e kaŋɛ na.”

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Ezikɛl 7:12

Saŋɛ na bee ba. Kachɛ na taga to. Amoso esa nɛ e bee tɔ asɔ e sa maŋ shin nɛ mbe kagbene e baa fuli mo, esa nɛ e bee fa malɛ gba be kagbene e sa maa jija mo, ŋkpal manɛ so ma agbo bee ba ekama so nna.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?