Ezikɛl 7:4 - EBƆRƐ BE KAWƆL

⁴ M maaŋ wu menyi kuwɔr ŋko n yige menyi nɛ men ta men be amu n ya ji. Abaanaaworasheŋ meeŋ gberge menyi kusoe ŋkpal men be eda lubi nɛ aworbi lubi nɛ ŋ kishi so. Ndoŋ nɛ menyeeŋ pin fanɛ ma e la Enyɛnpe Ebɔrɛ na.”

Ezikɛl 7:4 ပူးပေါင်းရင်းမြစ်များ

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Ezikɛl 11:21

Ama meeŋ gberge bekama nɛ bumo be ŋgbene kraa wɔ bumo be agbirana nɛ ŋ kishi nɛ a la ekishisheŋ n sa ma na kusoe ŋkpal bumo be asheŋ lubi so. Ma, Enyɛnpetale Ebɔrɛ e kaŋɛ na.”

Ezikɛl 12:20

Ndegboŋ nɛ basa bɔlɔ amo to naniere kikɛ beeŋ mur nɛ efuli na kikɛ e ki kasawule a dese loŋ nɛ esa kikɛ maŋ wɔ kumo so. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Ezikɛl 23:31

Fo daŋ bɔla ekpa nɛ fo da, Ohola nɛ e yili n sa kade nɛ baa tre Samɛria na, bɔla so na nna, amoso kasogberge nɛ e nya na nɛ fo alɛ gba beeŋ nya.

Ezikɛl 23:49

Ama meeŋ gberge menyi beche anyɔ nɛ men la kenio pibi ere kusoe kenishipereso, ŋkpal menyi be kusɔ jigaya be kebaawɔtɔ nɛ kagbirshuŋ be kulubi so. Aloŋ nɛ menyeeŋ pin fanɛ ma, e la Enyɛnpetale Ebɔrɛ na.”

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Ezikɛl 33:29

Jemanɛ nɛ meeŋ gberge basa na kusoe ŋkpal bumo be alubi so nseŋ shin nɛ kasawule na e dese fuloŋ na, nɛ baaŋ pin fanɛ ma e la Enyɛnpe Ebɔrɛ na.”

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Ezikɛl 6:14

Kashenteŋto, meeŋ yili Keshishɛrsawule nɛ k wɔ kelargato be kaseto na m ba choŋ kade nɛ baa tre Dibla nɛ k wɔ kelargato be esoso be kaba so na m mur efuli na kikɛ,. Meeŋ mur kaplɛkama nɛ Israɛl be basa tase. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 6:7

Menyi be basa beeŋ wu n dese kaplɛkama, nɛ menyi to be bumo nɛ baaŋ ji efute na e pin fanɛ ma, e la Enyɛnpe Ebɔrɛ na nseŋ shuŋ ma.

Ezikɛl 7:27

Ewura beeŋ shu nɛ benimuana na e paŋ tama nɛ kufu e tɔr basa na kikɛ so nɛ b baa chicha. Bumo be aworbi so nɛ meeŋ gberge bumo kusoe nseŋ wora bumo kusɔ nɛ b ta n wora beko na. Ndoŋ nɛ baaŋ pin fanɛ ma, e la Enyɛnpe Ebɔrɛ na.”

Ezikɛl 7:3

Israɛl be basa, lalaloge be kachɛ na fo menyi nna na. Meeŋ shin nɛ ma agbo e ba menyi so. Kanaŋkama, lalaloge be kachɛ na beeŋ ba nɛ n ji menyi demu nseŋ gberge menyi kusoe ŋkpal menyi be aworbi lubi nɛ ŋ kishi na so.

Ezikɛl 7:9

M maaŋ wu menyi kuwɔr, ma alɛ maaŋ yige menyi nɛ men ta menyi be amu n ya ji. Meeŋ gberge menyi kusoe ŋkpal menyi be eda nɛ aworbi lubi so. Ndoŋ nɛ menyeeŋ pin fanɛ ma Enyɛnpe Ebɔrɛ na e naa gberge menyi kusoe na.”

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Eemɔs 7:8

Ndoŋ nna nɛ Enyɛnpe Ebɔrɛ bishi ma le: “Eemɔs manɛ nɛ fo wu?” Nɛ ŋ kaŋɛ: “Efɔl nɛ baa ta a karga egbal be keniŋi na.” Nɛ Enyɛnpe Ebɔrɛ kaŋɛ: “N ta kumo nna a karga ma basa Israɛlebi fanɛ kananɛ baa karga egbal be keniŋi na. Ma alɛ maaŋ naaŋ ta m paŋ bumo kikɛ.

Zakareya 11:6

Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”

Hibruwebi 10:30

Ŋkpal manɛ so, an kikɛ nyi esa nɛ e daŋ kaŋɛ le na fanɛ: “Keka esa be kulubi la ma asheŋ nna. Ma, Enyɛnpe na e naaŋ ka esa be kulubi nɛ kumo be ekpa so.” Anyi alɛ nseŋ naa nyi esa nɛ e kaŋɛ le na gba: “Enyɛnpe beeŋ gberge mbe basa kusoe.”