Ezikɛl 7:3 - EBƆRƐ BE KAWƆL

³ Israɛl be basa, lalaloge be kachɛ na fo menyi nna na. Meeŋ shin nɛ ma agbo e ba menyi so. Kanaŋkama, lalaloge be kachɛ na beeŋ ba nɛ n ji menyi demu nseŋ gberge menyi kusoe ŋkpal menyi be aworbi lubi nɛ ŋ kishi na so.

Ezikɛl 7:3 ပူးပေါင်းရင်းမြစ်များ

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Aizaaya 47:7

Men daa fɛ fanɛ menyeeŋ baa ji kuwura jemanɛ kikɛ nna. Menyi alɛ daa maŋ ta asheŋ ere n wɔtɔ kagbene to, ŋko n fɛ kananɛ amo kikɛ beeŋ loge to be asheŋ.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Ezikɛl 11:21

Ama meeŋ gberge bekama nɛ bumo be ŋgbene kraa wɔ bumo be agbirana nɛ ŋ kishi nɛ a la ekishisheŋ n sa ma na kusoe ŋkpal bumo be asheŋ lubi so. Ma, Enyɛnpetale Ebɔrɛ e kaŋɛ na.”

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 18:30

“Ma, Enyɛnpetale Ebɔrɛ na e naa kaŋɛ menyi Israɛl be basa fanɛ meeŋ ji menyi be ekama demu ŋkpal kusɔ nɛ e wora so. Amoso, men tuba ashi menyi be asheŋ woraso lubi to. Nɛ mannɛ aloŋ, a beeŋ yɛr menyi kemur to.

Ezikɛl 21:25

Fo, Israɛl be ewura lubi nɛ kumu kpakpaso wura ere, fo kasogberge be kachɛ maaŋ naŋ chɛr nseŋ fo.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Ezikɛl 33:20

Ama menyi Israɛl be basa bee kaŋɛ fanɛ m maa wora asheŋ nɛ amo be ekpa so. Kusɔ nɛ menyee wora nɛ meeŋ yili so n ji menyi demu.

Ezikɛl 36:19

nseŋ pesaŋ bumo to n yɔ efuli pɔtɛana so. Bumo be kebaawɔtɔ nɛ asheŋ woraso so nɛ n daŋ ji bumo demu.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Ezikɛl 7:2

“Dimɛdi pibi, Ezikɛl, kusɔ nɛ ma, Enyɛnpetale Ebɔrɛ na bee kaŋɛ Israɛl be efuli so be basa e la fanɛ, lalaloge be jemanɛ na bee fo nɛ efuli na kikɛ nyam e mur.

Ezikɛl 7:27

Ewura beeŋ shu nɛ benimuana na e paŋ tama nɛ kufu e tɔr basa na kikɛ so nɛ b baa chicha. Bumo be aworbi so nɛ meeŋ gberge bumo kusoe nseŋ wora bumo kusɔ nɛ b ta n wora beko na. Ndoŋ nɛ baaŋ pin fanɛ ma, e la Enyɛnpe Ebɔrɛ na.”

Ezikɛl 7:4

M maaŋ wu menyi kuwɔr ŋko n yige menyi nɛ men ta men be amu n ya ji. Abaanaaworasheŋ meeŋ gberge menyi kusoe ŋkpal men be eda lubi nɛ aworbi lubi nɛ ŋ kishi so. Ndoŋ nɛ menyeeŋ pin fanɛ ma e la Enyɛnpe Ebɔrɛ na.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Eemɔs 8:2

nɛ e bishi ma le: “Eemɔs manɛ nɛ fo wu?” Nɛ n yɛ: “Asɔrso belso kelantaŋɛ be bɔlɔ nɛ n wu.” Nɛ Enyɛnpe Ebɔrɛ naŋ kaŋɛ ma le: “Kananɛ asɔrso ere bel ere aloŋ nɛ ma basa Israɛlebi be ekar fo. M maaŋ ta bumo be alubi m paŋ bumo kikɛ.”