Ezikɛl 7:12 - EBƆRƐ BE KAWƆL

¹² Saŋɛ na bee ba. Kachɛ na taga to. Amoso esa nɛ e bee tɔ asɔ e sa maŋ shin nɛ mbe kagbene e baa fuli mo, esa nɛ e bee fa malɛ gba be kagbene e sa maa jija mo, ŋkpal manɛ so ma agbo bee ba ekama so nna.

Ezikɛl 7:12 ပူးပေါင်းရင်းမြစ်များ

Aŋasa 20:14

B baŋ ku yawujipo kikɛ asɔ be yawu e beeŋ fubel, ama kumo be kaman nɛ e naa puchi ŋkpal e ka nya asɔ na n tɔ pɔtɔ pɔtɔ so.

Aizaaya 21:12

Ndoŋ nna nɛ ŋ kaŋɛ mo: “K maaŋ chɛr nɛ kare e chɛ, ama kanyɛ kraa beeŋ naŋ biri. Nɛ fo kraa sha kenaŋ pin to n ti so, kumo ere fo naŋ bɛta m ba bishi to.”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Ezikɛl 12:23

To, kaŋɛ bumo kusɔ nɛ ma, Enyɛnpetale Ebɔrɛ na kɔ a kaŋɛ a laŋɛ kumo be kaplɛa so. Meeŋ shin nɛ keŋasa na e ba ekar nɛ b maaŋ naa bɔ kumo ashi Israɛl be efuli so. K maŋ chɛr nɛ kusɔ kama nɛ ŋ kaŋɛ kikɛ e wora m bɔlɔ so.

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Ezikɛl 7:10

To, kemur be kachɛ na taga to! K teŋ fo gba! Kebaa maa ji kashenteŋ nɛ mpuchi be kebaawɔtɔ sɔ kaplɛkama.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Zefanaiya 1:14

Enyɛnpe Ebɔrɛ be kachɛgboŋ na taga to. K fo n loge gba kuraa! K beeŋ baa la kachɛ lubi nɛ benapo lempo nɛ b kɔ kenyɛn ga gba beeŋ baa boŋ to a shu kenishipereso nna.