Ezikɛl 7:10 - EBƆRƐ BE KAWƆL

¹⁰ To, kemur be kachɛ na taga to! K teŋ fo gba! Kebaa maa ji kashenteŋ nɛ mpuchi be kebaawɔtɔ sɔ kaplɛkama.

Ezikɛl 7:10 ပူးပေါင်းရင်းမြစ်များ

Nshɛ 89:32

kumo ere meeŋ gberge bumo kusoe ŋkpal bumo be alubi so. Meeŋ shin nɛ b ji awurfoŋ ŋkpal bumo be kewora n jija so.

Aŋasa 14:3

Ewulpo be kamoowu be mmalga bee bar mo kasogberge nna, ama enyiashempo bre be kɔnɔ bee mɔlga mo nna.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 21:12

Ndoŋ nna nɛ ŋ kaŋɛ mo: “K maaŋ chɛr nɛ kare e chɛ, ama kanyɛ kraa beeŋ naŋ biri. Nɛ fo kraa sha kenaŋ pin to n ti so, kumo ere fo naŋ bɛta m ba bishi to.”

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Ezikɛl 12:23

To, kaŋɛ bumo kusɔ nɛ ma, Enyɛnpetale Ebɔrɛ na kɔ a kaŋɛ a laŋɛ kumo be kaplɛa so. Meeŋ shin nɛ keŋasa na e ba ekar nɛ b maaŋ naa bɔ kumo ashi Israɛl be efuli so. K maŋ chɛr nɛ kusɔ kama nɛ ŋ kaŋɛ kikɛ e wora m bɔlɔ so.

Ezikɛl 19:14

Ndoŋ nna nɛ kumo be keyabi gboŋgboŋi ko pɛ edɛ; nɛ edɛ na bɛ kumo so n chɔɔ kumo be ayabi nɛ asɔrso kikɛ. Keyabi lempo kikɛ daŋ maŋ naŋ ka kumo so nɛ b ku n wora kuwurkpabi. Kashɛ ere la kagbenejija be kashɛ nna n daga kebaaboŋ kagbenejijaso.”

Ezikɛl 21:10

N yee kumo nɛ n mɔ; n fifɛa kumo so nɛ k bee kpa edɛ fanɛ bɔrɛ ka nyɛkpɛ na! Kayurji maŋ naa wɔtɔ, ŋkpal manɛ so, ma basa kplaŋ ma kasokpele nɛ kasogberge kikɛ so nna.

Ezikɛl 21:13

Kede be kaman nɛ Enyɛnpetale Ebɔrɛ na naŋ kaŋɛ le: “Mee wora ma basa a keni nna na, nɛ b kaŋ kini ketuba, kumo ere asheŋ ere kikɛ beeŋ ba bumo so.”

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Ezikɛl 7:12

Saŋɛ na bee ba. Kachɛ na taga to. Amoso esa nɛ e bee tɔ asɔ e sa maŋ shin nɛ mbe kagbene e baa fuli mo, esa nɛ e bee fa malɛ gba be kagbene e sa maa jija mo, ŋkpal manɛ so ma agbo bee ba ekama so nna.

Ezikɛl 7:6

Kemur be saŋɛ na fo! K fo n loge. K beeŋ shin nɛ men mur.

Ezikɛl 7:9

M maaŋ wu menyi kuwɔr, ma alɛ maaŋ yige menyi nɛ men ta menyi be amu n ya ji. Meeŋ gberge menyi kusoe ŋkpal menyi be eda nɛ aworbi lubi so. Ndoŋ nɛ menyeeŋ pin fanɛ ma Enyɛnpe Ebɔrɛ na e naa gberge menyi kusoe na.”

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Nɔmbɛs 17:8

Kumo be ŋklade, Mosis ka yɔ wajɛbu na to, nɛ Ɛɛrɔn be kekpabi nɛ k yili n sa Livai be kanaŋ to ebi na gbu kenishi nseŋ purge n futi n wora atoto n sɔr asɔrso nɛ baa tre amɔnd na.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”