Ezikɛl 6:9 - EBƆRƐ BE KAWƆL

⁹ Saŋɛ na so, bumo nɛ baaŋ ji efute na beeŋ fɛ ma asheŋ nseŋ nyiŋi kananɛ b lar ma kaman nsaa shuŋ agbirana nseŋ ta nyɔmɔ m pɛ ma na ashi efuliana nɛ baaŋ tintiŋ bumo n yɔ na so. Ndoŋ nɛ bumo gbagba be asheŋ beeŋ baa nu bumo gbagba agbo ŋkpal bumo asheŋ lubi lubi nɛ b wora so

Ezikɛl 6:9 ပူးပေါင်းရင်းမြစ်များ

2 Bewura 16:10

Ade kikɛ be kaman ewura Ahaz ka yɔ Damaskɔs n ya tu ewurgboŋ Tiglaf Pilesa na, nɛ e wu bɔrɛsure ko ndoŋ. Kumo be kaman nɛ e shin nɛ b ta kumo be foto n ya sa bɔrɛmatapo Uriya fanɛ e keni so m pɔr kumo be kaduli.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nshɛ 137:1

An daŋ chena Babilɔn be elɔr na ase nna n nyiŋi Jerusalɛm be asheŋ nseŋ chena n shu ga.

Nshɛ 78:40

Jemanɛ nɛ b daa wɔ keshishɛrsawule na so na, ale damta nɛ b daŋ lar Ebɔrɛ kaman n jija mbe kagbene!

Aizaaya 43:24

Menyi maŋ tɔ efɛa belbelso be eduwu n sa ma ŋko n sa ma menyi be asɔbɔya be nfɔ gba. Ama menyi be alubi nɛ men bela n deŋi ma so; nseŋ shin nɛ menyi be aworandeso lar ma ebɔl.

Aizaaya 63:10

Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Aizaaya 7:13

Nɛ Aizaaya malɛ kaŋɛ le: “Ewura Deevid be kamanebi, men kaŋ asoe n nu nfe. Menyee kaa wora edimɛdi a keni. Menyee sha kewora Ebɔrɛ gba nna ŋ keni a?

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Jɛremaya 51:50

Nɛ Enyɛnpe Ebɔrɛ na kaŋɛ mbe basa nɛ b wɔ Babilɔn be efuli so na le, Ma basa, jemanɛ nɛ Jerusalɛm daŋ bure na, men daŋ nya n shile m mɔlga menyi be amu nna. Naniere kakpa nɛ men chena ere nɛ epe wɔ kufɔ, ama men yirda ma nseŋ fɛ Jerusalɛm be asheŋ. Men lar Babilɔn be efuli so! Men sa maŋ naŋ chena ndoŋ!

Ezikɛl 12:16

Ama meeŋ shin nɛ bumo be gbrɛbi ko e ji efute ashi kena nɛ akoŋ nɛ alɔ na to, saŋɛ na so baaŋ pin kananɛ bumo be ekishisheŋ nɛ b wora na be asheŋ daŋ nu ma agbo ga, nseŋ naŋ pin fanɛ ma e la Enyɛnpe Ebɔrɛ na nseŋ shuŋ ma ashi efuli pɔtɛana na so.’ ”

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Ezikɛl 16:61

Aloŋ nɛ feeŋ nyiŋi asheŋ lubi nɛ fo wora na nɛ nyɔmɔ e pɛ fo jemanɛ nɛ meeŋ shin nɛ fo kurgepoana, Sodɔm nɛ Samɛria, e naŋ bɛta m ba ki fo mbia na, ama mannɛ a loŋ e daa la ma nɛ fo be kɔnɔkoŋwule be ŋkre na.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 20:24

Ŋkpal manɛ so, b daŋ kini kebɛ ma mbraana nɛ atande so nsaa maŋ ta ma Kewushiachɛ na n tre sheŋ nna. Bumo tutoana be agbirana e daŋ bɔlɔ bumo kenishi ga nɛ b daa shuŋ amo.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 20:43

Ndoŋ nɛ menyeeŋ nyiŋi menyi be asheŋ wora so nɛ a shin nɛ men jija menyi be kebaawɔtɔ na, nɛ a shin nɛ menyi be asheŋ e baa nu menyi gbagba agbo ŋkpal asheŋ lubi nɛ men wora so.

Ezikɛl 20:7

Kumo be kaman, nɛ e naŋ kaŋɛ bumo fanɛ bumo be ekama e yige agbirana nɛ men ta menyi be anishi n yuu so, nɛ amo be asheŋ bee nu ma agbo nɛ ŋ kishi amo ga na be kebaashuŋ; saŋɛ na so, menyi maaŋ ta Ijipt be efuli so be agbirana n jija menyi be kebaawɔtɔ. Ŋkpal manɛ so, ma e la Enyɛnpe menyi be Ebɔrɛ na.”

Ezikɛl 23:30

e bar le be asheŋ ere fo so na. Fo daa la sakaleche nna n sa efuli pɔtɛ so be basa nseŋ daa shuŋ bumo be agbirana n jija fo kumu.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Ezikɛl 6:10

nɛ b pin fanɛ ma, e la Enyɛnpe Ebɔrɛ na, ma alɛ maa funti jiga nna a kaŋɛ fanɛ meeŋ mur bumo be asɔ.”

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Eemɔs 2:13

Meeŋ buri menyi to n nase kasawule fanɛ kananɛ baa ta aboyu a deŋi turko so nɛ k bee buri to na, nɛ men dese a shu to fanɛ kananɛ baa muu aboyu a bɔlɔ turko nɛ amo be egbɛ bee shin nɛ k bee nite a shu to na.

Maika 5:13

Ma alɛ beeŋ naŋ mur asɔ nɛ menyee ta a lɔŋɛ agbir a shuŋ na kikɛ, nɛ menyi maaŋ naŋ nya amo a shuŋ.

Zakareya 10:9

Hale ŋ ka shin nɛ b pesaŋ to a wɔ efuli pɔtɛana so ere gba, b kraa nyiŋi ma asheŋ ashi mboŋ wɔfɔ na nna. Bumo nɛ bumo be mbia beeŋ ji efute nseŋ gama abar so m bɛta m ba epe.

Nɔmbɛs 15:39

Saŋkama nɛ men wu ajolobi na, a beeŋ ba nyiŋi menyi Enyɛnpe Ebɔrɛ be mbraana na, nɛ men ba bɛ amo so nsaa maaŋ ya ka ji kubojua a bɛ men be anishi be awuso nɛ men be ŋgbene be aparsheŋ lubi so.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.