Ezikɛl 5:6 - EBƆRƐ BE KAWƆL

⁶ Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Ezikɛl 5:6 ပူးပေါင်းရင်းမြစ်များ

2 Bewura 21:11

“Ewura Manase be asheŋ nɛ e daŋ wora na daŋ lubi a chɔ kusɔ nɛ Keenanebi na daŋ wora gba. E daŋ shuŋ agbir nna nseŋ shin nɛ Juda be efuli so ebi gba luri kulubi to.

2 Bewura 21:9

Ewura Manase daŋ shin nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na daa wora na nna.

Nehemaya 9:34

Anyi be bewura nɛ bejuŋkparpo nɛ bɔrɛmatapoana nɛ an nanaana maŋ bɛ fo mbra nɛ mmalga kpakpaso mo nɛ fo ŋini bumo fanɛ b bɛ so na so.

Nehemaya 9:35

Ŋkpal fo nɛfa nɛ fo daŋ ta n sa fo basa so bewura e daa juŋkpar bumo. Loŋ be saŋɛ na, nɛ b daa wɔ kasawule nɛ fo ta n sa bumo na so, ama b kini nsaa wɔ kulubi to.

Nshɛ 106:20

B daŋ ta Ebɔrɛ be kemaŋkura nna n sa gbolu fɔlbi nɛ k la kusɔbɔya nɛ k bee ji afitiri na, be kapɔrduli.

Nshɛ 78:10

B daa maŋ wora m bɔlɔ bumo nɛ Ebɔrɛ be kɔnɔkoŋwule be ŋkre na so. B daŋ kini kewora mbe mbraana kasonu nna.

Ɛksodɔs 16:28

Ndoŋ nna nɛ Enyɛnpe Ebɔrɛ bishi Mosis: “Manɛ nna nɛ men wɔtɔ a kini kebɛ ma mbraana so?

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Ezikɛl 11:12

Ndoŋ nɛ menyeeŋ pin fanɛ ma e la Enyɛnpe Ebɔrɛ nɛ men kini k bɛ ma mbraana so nseŋ ya kaa bɛ efuli pɔtɛana nɛ a kulti menyi na be mbraana so na.”

Ezikɛl 16:51

Samɛria to be basa bre daŋ maŋ wora asheŋ lubi nɛ fo basa wora ere be barga to gba. Fo basa wora asheŋ keshiso a chɔ bumo be basa, n shin nɛ k wora fanɛ fo kurgepoana na be basa la basa lela a chɔ fo basa.

Danɛl 9:15

O, Enyɛnpe anyi be Ebɔrɛ, fo ŋini eleŋ nna n lara fo basa ashi Ijipt be kasawule so dra na nɛ b kraa nyiŋi kumo hale kabre. Anyi e wora n jija nseŋ wora kulubi kashenteŋto.

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Danɛl 9:8

Anyi be bewura nɛ an be bejuŋkparpoana nɛ an nananyɛnana kikɛ wora anishinyɔr be asheŋ nɛ alubi ŋ gbiti fo Enyɛnpe Ebɔrɛ.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.