Ezikɛl 5:5 - EBƆRƐ BE KAWƆL

⁵ Kumo be kaman nɛ Enyɛnpe Ebɔrɛ na naŋ kaŋɛ: “Jerusalɛm nɛ n ta n yili durnya kikɛ be nferinto nɛ efuliana kulti kumo ŋ wɔtɔ a keni kumo a yɛlga nna na.

Ezikɛl 5:5 ပူးပေါင်းရင်းမြစ်များ

Nshɛ 87:3

Jerusalɛm la Ebɔrɛ be kadegboŋ nna, nɛ baa malga asheŋ lela damta ga a laŋɛ kumo be kaplɛa so.

Jɛremaya 6:6

Kede be kaman, nɛ Enyɛnpetale Ebɔrɛ na e kaŋɛ bewura na fanɛ b ku ndibi n yuu ajaŋ m mata egbal nɛ k kulti Jerusalɛm na nɛ benapo na e dii so n luri kadegboŋ na to. Ŋkpal manɛ so, e yɛ: “Meeŋ gberge basa nɛ b wɔ kadegboŋ ere to kusoe ŋkpal b ka bee kɔrfɛ bumo braana na so.

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Ezikɛl 16:14

Ndoŋ nna nɛ fo asheŋ sɔ kaplɛkama nɛ ekama bee ji fo kebita be asheŋ ashi efuliana na kikɛ so, ŋkpal kananɛ ma, Enyɛnpetale Ebɔrɛ na shin nɛ fo kela lar nɛ ekama bee wu kumo so.

Ezikɛl 4:1

Nɛ Ebɔrɛ kaŋɛ le: “Dimɛdi pibi Ezikɛl, ta ebɔ be kuboo paŋgelambi n nase fo anishito nseŋ wora kadegboŋ nɛ baa tre Jerusalɛm na be foto n deŋi kumo so.

Ezikɛl 5:4

Nseŋ lara amo be gbrɛbi n chɔɔ edɛ to a ŋini fanɛ edɛ beeŋ shi ndoŋ n suse m mur ekama Israɛl be efuli so.”

Maika 5:7

Israɛl be basa nɛ baaŋ ji efute na beeŋ baa du fanɛ bunyaŋ ŋko bɔrɛchu nɛ k bee sa kayul nseŋ shi Enyɛnpe Ebɔrɛ na kutɔ a ba efuli damtaana so nna.

Matiu 5:14

Men la fanɛ kefulto nna durnya ere to. Kadegboŋ kama nɛ k chena kebee so maa ŋana kikɛ.

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”