Ezikɛl 5:2 - EBƆRƐ BE KAWƆL

² Jemanɛ nɛ fo kre kena ŋ kulti Jerusalɛm be foto nɛ fo wora n deŋi kejembu paŋgelambi na so na kaŋ fo ekar, nɛ fo chɔɔ emin na be katuŋ koŋwule kade nɛ fo wora kumo be foto na to, nseŋ ta bɔrfɔ na ŋ kuya emin na be katuŋ nyɔsopo to ŋ kulti kade na. Kumo be kaman nɛ fo ta katuŋ sasopo na n lɛ esoso nɛ ŋ gbagba e ta ma tokobi ŋ kuya amo to.

Ezikɛl 5:2 ပူးပေါင်းရင်းမြစ်များ

Jɛremaya 13:24

Enyɛnpe Ebɔrɛ na beeŋ shin nɛ fo basa e pesaŋ to n sɔ kaplɛkama fanɛ kananɛ afu bee sulɔ amimi a yɔ kaplɛkama na.

Jɛremaya 15:2

Nɛ b kaŋ bishi fo fanɛ nnɛ nɛ baaŋ baa yɔ, fo kaŋɛ bumo le: “Alɔ lubi beeŋ mɔ bumo be beko nɛ beko malɛ e wu kena to. Akoŋgboŋ beeŋ mɔ bumo be beko, nɛ bedoŋ malɛ e pɛ beko n yɔ efuli pɔtɛana so fanɛ anya.

Jɛremaya 24:10

Meeŋ shin nɛ kena nɛ akoŋ nɛ alɔ e ba bumo so n ya fo fanɛ bumo to be ekoŋwule gba ka maaŋ ka kasawule nɛ n ta n sa bumo nɛ bumo nananyɛnana na so.”

Jɛremaya 38:2

Enyɛnpe Ebɔrɛ na yɛ: “Kena ŋko akoŋ ŋko kulɔ beeŋ mɔ esa kama nɛ e kraa wɔ Jerusalɛm to. Ama bekama nɛ baŋ lar n ya ta bumo be amu m bɔɔ Babilɔnebi na enɔ bre maaŋ wu. Abaanaaworasheŋ bumo ere beeŋ ji efute.”

Jɛremaya 39:1

Zɛdikaya ka ji Juda be efuli so be kuwura be kafɛ kpanusopo to be kufɔl kudusopo to nɛ Babilɔn be ewura Nebukadneeza nɛ mbe benapo kikɛ fara a kɔ Jerusalɛm kena. Beeŋ wora fanɛ kafɛ nɛ bargato nɛ b daŋ kulti kadegboŋ na n wɔtɔ. Ewura Zɛdikaya ka ji kuwura be kafɛ kudukakosopo to be kufɔl nasopo to be kachɛ kpanusopo na nɛ b bure egbalana na n luri Jerusalɛm to. B ka kɔ n suge Jerusalɛm na be kaman, nɛ Babilɔn be ewura Nebukadneeza be benimugboŋana yili bumo be mbɛ n chena so ashi Nferinto be Kabunagboŋ na ase a ŋini fanɛ bumo e wɔ kadegboŋ na a keni so. Benimugboŋana na e daa la Nɛgal Shareza nɛ e shi Samga nɛ Nebo Sasekim nɛ e la krachigboŋ nimuso, n ta Nɛgal Shareza ko nɛ mo alɛ gba la krachi nimuso nɛ Babilɔn be ewura be ekrachi pɔtɛana kikɛ.

Jɛremaya 9:15

Amoso nɛ ma, Enyɛnpetale Israɛl be Ebɔrɛ na nase kɔnɔ fanɛ meeŋ sa ma basa ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu.

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Ezikɛl 12:14

Ma alɛ beeŋ shin nɛ mbe benimuana nɛ mbe benapo nɛ b wɔ Jerusalɛm to na e pesaŋ to n sɔ kaplɛkama nɛ basa e bɛ so n fin bumo mɔ.

Ezikɛl 17:21

Mbe benapo kpakpaso kama nɛ baaŋ shile na beeŋ wu kena to nɛ bumo nɛ baaŋ ji efute na malɛ e pesaŋ to n sɔ kaplɛkama. Ndoŋ nɛ menyeeŋ pin fanɛ ma, Enyɛnpe Ebɔrɛ na e kaŋɛ na.”

Ezikɛl 5:10

Bekurgepo beeŋ kpal akoŋ so a mɔ bumo be mbia a we nɛ mbia e baa mɔ bumo bekurgepoana a we. Meeŋ gberge menyi kusoe hale nɛ bekama nɛ baaŋ ji efute gba na e pesaŋ to n yɔ mboŋ wɔfɔ.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 5:3

Ama pɔɛŋ nɛ fo wora loŋ fo lara emin na be gbrɛbi n da fo piŋi be kɔnɔ.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Eemɔs 9:4

Nɛ fanɛ bumo doŋana pɛ bumo ŋ ki anya n yɔ efuli pɔtɛ so kufɔ kufɔ gba, meeŋ shin nɛ b mɔ bumo ndoŋ. Mee shin nna nɛ m mur bumo, mannɛ kechɛ bumo to bre.”

Zakareya 13:8

Kasawule na so be basa na be ntuŋ asa to be ntuŋ anyɔ beeŋ wu m mur nɛ katuŋ koŋwule nawule e ka.