Ezikɛl 48:9 - EBƆRƐ BE KAWƆL

⁹ Kakpa ere be nferinto be kasawule na beeŋ baa la ma Enyɛnpe Ebɔrɛ na peya. Kumo be nteŋ to beeŋ baa la emayɛl ashunu nɛ mparto malɛ e baa la emayɛl ashe.

Ezikɛl 48:9 ပူးပေါင်းရင်းမြစ်များ

Ezikɛl 44:28

Kebɔrɛmata be kushuŋ na e la bɔrɛmatapoana be kapetɛ nɛ baaŋ tiŋ n yige n sa bumo be kenana. B maŋ daga fanɛ b baa kɔ kapetɛsɔ kikɛ Israɛl to. Ma e la bumo be kapetɛ.

Ezikɛl 45:1

Nɛ menyi bee barga Israɛl be kasawule na to a sa eyiriana na, men ku kaba n nase n sa Enyɛnpe Ebɔrɛ na. Kumo be nteŋ to e baa la emayɛl ashunu nɛ mparto malɛ e baa la emayɛl ashe. Loŋ be kakpa na kikɛ beeŋ baa la kakpa cheembi nna.

Ezikɛl 48:10

Ma, Enyɛnpe Ebɔrɛ na beeŋ ku ma kasawule cheembi na n sa bɔrɛmatapoana na. Kakpa nɛ meeŋ ku n sa bumo na be nteŋ beeŋ yili epeŋilarkpa n ya fo epeŋitɔrkpa nsaa la emayɛl ashunu, nɛ kumo be mpar malɛ e yili kelargato be esoso n ya fo kelargato be kaseto, nsaa la emayɛl asa. Saŋɛ na so baaŋ pɔr Enyɛnpe Ebɔrɛ na be bɔrɛlambu n yili kumo be nferinto.

Ezikɛl 48:8

Kakpa nɛ menyeeŋ ku m bɛ Juda be yiri so a laŋɛ kelargato be kaseto na beeŋ baa la kasawule nɛ k beeŋ baa kɔr to nna. Kumo be mparto beeŋ yili kelargato be esoso m ba choŋ kelargato be kaseto nsaa la emayɛl ashunu nɛ kumo be nteŋ to malɛ nɛ kananɛ menyeeŋ ku n sa Israɛl be eyiriana na be nteŋ to e baa sasa. Kasawule ere so nɛ ma bɔrɛlambu beeŋ yili.

Joshuwa 21:2

ashi Shilo nɛ k wɔ Keenan be kasawule so na n ya kaŋɛ bumo le: “Enyɛnpe Ebɔrɛ e bɔla Mosis so ŋ kaŋɛ fanɛ b sa anyi nde nɛ anyeeŋ baa wɔtɔ nɛ nsawule nɛ anyi be asɔbɔya beeŋ baa ji.”