Ezikɛl 41:8 - EBƆRƐ BE KAWƆL

⁸ Bɔrɛlambu na daa yil kejembu nɛ kumo be jeŋgreŋ daa sa fanɛ ayadra kudu nna. Kumo koŋwule na so nɛ ebuana na gba daa yil.

Ezikɛl 41:8 ပူးပေါင်းရင်းမြစ်များ

Ezikɛl 40:5

Kusɔ nɛ n daŋ wu e la bɔrɛlambu na, nɛ egbal kulti kumo n wɔtɔ. Ndoŋ nna nɛ kanyɛn na ta mbe kekpabi nɛ b kɔ a karga asɔ nɛ kumo be nteŋ sa fanɛ ayadra kudu na ŋ karga egbal na. Egbal na be jeŋgreŋ nɛ ndanto kikɛ daa sa fanɛ ayadra kudu nna.

Ezikɛl 43:13

Kananɛ ekama nyi b kaa bee karga asɔ ashi bɔrɛlambu to na nɛ b yili so ŋ karga bɔrɛsure na. Le nɛ k daa sa. Kemaŋ ko nɛ kumo be nchiŋ daa sa fanɛ keyadra koŋwule nɛ bargato nɛ kumo be mparto gba daa sa fanɛ keyadra koŋwule nɛ bargato e daŋ kulti kumo. Kumo be ekarso be kananɛ k du kulkulbi na malɛ daŋ ka gbrɛ nɛ k fo keyadra koŋwule nna.

Kelaraŋŋini 21:16

Kade na kikɛ daŋ bonte nna a dese nɛ kumo be nteŋ nɛ mparto kikɛ sasa. Malaika na ka ta mbe kekpabi na ŋ karga kade na, kumo be nteŋ daa wɔ emayɛl kagboŋ nɛ alfa anu nɛ kumo be mparto nɛ kumo be jeŋgreŋ malɛ gba kikɛ daa sa loŋ.