Ezikɛl 41:6 - EBƆRƐ BE KAWƆL

⁶ Ebuana ere daa wɔ ntuŋ asa nna nseŋ bɛ abar so asa asa n yɔ awɔlto, nɛ katuŋ kama daa kɔ ebu adesa nsaa yil egbal nɛ k kulti bɔrɛlambu na so. Bɔrɛlambu na be esoso be ebuana na be egbalana daa maŋ danto n fo kaseto be ebuana peya so, saŋɛ na so ebuana na beeŋ tiŋ n yili egbalana na so nɛ shɛŋ maŋ suse amo to.

Ezikɛl 41:6 ပူးပေါင်းရင်းမြစ်များ

1 Bewura 6:10

E daŋ naŋ pɔr ebuwurbiana nɛ baa ta asɔwurbiana a wɔtɔ nna m mata bɔrɛlambu na be egbal na so. Sida be ndibi be elarbeŋ nɛ b daŋ ta m buu ebuana nɛ b pɔr m mata bɔrɛlambu na so. Ebu na be kekama be jeŋgreŋ daa la ayadra ashunu nɛ bargato nna.

Ezikɛl 40:17

Ade kikɛ be kaman, nɛ kanyɛn na naŋ keta ma m bɔla kedɛdɛ na to n yɔ bɔrɛlambu na be kowushina be kelɔnɛ na so. Ebu adesa e wɔ kowushina be egbal na to nɛ b ta ajembu n yuu n dulgi kakpa nɛ baa nite na

Ezikɛl 41:5

Ndoŋ nna nɛ kanyɛn na naŋ karga bɔrɛlambu na be egbal na be pentren nɛ k daa sa fanɛ ayadra kudu. B daŋ pɔr asɔ be ebuana nna nɛ amo be kekama be mparto daa sa fanɛ ayadra ashunu, m mata bɔrɛlambu na be egbal na ŋ kulti.

Ezikɛl 42:6

Kowu na be ebuana nɛ a wɔ kaseto na e daa kɔ amo nɛ a wɔ esoso na to a yil, amoso esoso peya na daa maa kɔ eshabɔrɛ fanɛ nwu nɛ a ka a wɔ kelɔnɛ na so na.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.