Ezikɛl 41:1 - EBƆRƐ BE KAWƆL

¹ Ade kikɛ be kaman, nɛ kanyɛn na naŋ keta ma n luri bɔrɛlambu na be ebu nɛ baa tre kakpa cheembi to. Nseŋ karga kumo be kedɛdɛ na, nɛ kumo be mparto daa sa fanɛ ayadra kudu,

Ezikɛl 41:1 ပူးပေါင်းရင်းမြစ်များ

1 Bewura 6:1

Israɛlebi ka lar Ijipt be efuli so na be nfɛ alfa ana nɛ aduburwa be kaman, nɛ Sɔlɔmɔn ka ji Israɛl be kuwura be kafɛ nasopo nɛ Hibruwebi be kafɛ to be kufɔl nyɔsopo nɛ baa tre Ziv na to nɛ ewura Sɔlɔmɔn be beshumpo fara bɔrɛlambu na be kapɔr.

1 Bewura 6:2

Bɔrɛlambu nɛ ewura Sɔlɔmɔn daŋ pɔr n sa Enyɛnpe Ebɔrɛ na be epunto be nteŋ daa la ayadra adekpanu nna nɛ kumo be mparto malɛ daa la ayadra adesa nɛ kumo be jeŋgreŋ malɛ daa la ayadra adena nɛ anu.

Ezikɛl 40:17

Ade kikɛ be kaman, nɛ kanyɛn na naŋ keta ma m bɔla kedɛdɛ na to n yɔ bɔrɛlambu na be kowushina be kelɔnɛ na so. Ebu adesa e wɔ kowushina be egbal na to nɛ b ta ajembu n yuu n dulgi kakpa nɛ baa nite na

Ezikɛl 41:21

Kakpa cheembi be kukuloŋ na be jeŋgreŋ nɛ mparto kikɛ daa sasa nna. Kusɔ ko daa yil acheembiana to be kakpa cheembi na be kabuna to n duli

Ezikɛl 41:23

Kabuna ko daa wɔ kakpa nɛ baa bɔla a yɔ kakpa cheembi to nna nɛ kuko malɛ gba daa wɔ kakpa nɛ baa bɔla a yɔ acheembiana to be kakpa cheembi na to.

Ezikɛl 41:3

Kanyɛn na ka karga ndoŋ n loge, nɛ mo nawule yɔ bɔrɛlambu na be ŋkpar to be ebu na to. E daŋ juŋkpar nna ŋ karga kedɛdɛ nɛ baa bɔla to a yɔ kumo to na, nɛ kumo be mparto daa sa fanɛ ayadra asa nɛ egbalana nɛ a wɔ kumo be akel to na be kekama be nteŋ to daa sa fanɛ ayadra kudu anyɔ.

Ezikɛl 42:1

Ade kikɛ be kaman, nɛ kanyɛn na ta ma n luri kowushina be kelɔnɛ na to nseŋ juŋkpar nɛ m bɛ mo so nɛ an yɔ kowu ko nɛ k wɔ a laŋɛ bɔrɛlambu na be kelargato be esoso be kaba so ase. Kumo nɛ kowu nɛ k wɔ bɔrɛlambu na be epeŋitɔrkpa na daa maŋ barga abar ga.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

Kelaraŋŋini 21:15

Malaika mo nɛ e daŋ malga ŋ kutɔ na daa kɔ shuwa be kekpabi nɛ b kɔ a karga asɔ enɔ to nna nɛ e ta ŋ karga kadegboŋ na nɛ kumo be mbuna nɛ kumo be egbal.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.