Ezikɛl 40:7 - EBƆRƐ BE KAWƆL

⁷ Kedɛdɛ ko daa wɔ kabunagboŋ na be anishito nɛ kumo be kaba kama so daa kɔ ebu asa nɛ baa tre amo bekumpo be ebuana. Ebuana na be mba ana na be kekama daa sa fanɛ ayadra kudu nna nɛ kedɛdɛ na malɛ daŋ dese n ya fo kabuna to be ebu ko nɛ k kilgi n shoŋi bɔrɛlambu na.

Ezikɛl 40:7 ပူးပေါင်းရင်းမြစ်များ

1 Kronikɛls 23:28

Livaiebi na be kushuŋ e daa la kebaachɛ Ɛɛrɔn be kaman to ebi to ashi Enyɛnpe Ebɔrɛ be bɔrɛlambu na be kushuŋ to. Bumo e naŋ baa lɔŋɛ kumo nsaa keni kumo be alɔnɛ nɛ ebuana nɛ asɔ cheembi na so nɛ a saa maa wora eyurpi.

1 Kronikɛls 9:26

B daŋ ta ebuana nɛ a wɔ bɔrɛlambu na to na nɛ ekpanjawu nɛ a wɔ kumo to na kikɛ be kushuŋ nna n sa mbunakenipoana be benimu ana nɛ b la Livaiebi na nna.

2 Kronikɛls 3:9

Shuwa nɛ amo be egbɛ sa fanɛ kilo be bargato nɛ b ta n lɔŋɛ kumo be anyembi nseŋ ta shuwa m mata m mata kumo be esoso be ebuana na be egbalana so.

2 Kronikɛls 31:11

Nɛ ewura na shin nɛ b pɔr ebuana nɛ baaŋ ba ta asɔ a yili to ashi bɔrɛlambu na be kelɔnɛ na be ekarso,

Ɛzra 8:29

Men baa de amo so nɛnɛ hale nɛ men ya fo Jerusalɛm nseŋ karga amo m bɔɔ bɔrɛmatapoana na enɔ ashi bɔrɛmatapo nimuso na nɛ Livaiebi nɛ Israɛlebi be nnaŋ be benimu na kikɛ be anishito ashi bɔrɛlambu na to.”

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Ezikɛl 40:10

Bekumpo be ebuana nɛ a wɔ kedɛdɛ na be mba anyɔ na kikɛ daa sasa nna, nɛ egbalana nɛ a daa barga amo to na malɛ gba be ndanto daa sasa.

Ezikɛl 40:21

Kabunagboŋ ere gba be kedɛdɛ daa kɔ bekumpo be ebu asa kumo be kaba kama so nna. Kanyɛn na ka karga ebuana ere nɛ egbalana nɛ a barga amo to na nɛ kabuna to be ebu na, amo nɛ amo nɛ a wɔ epeŋilarkpa be kabunagboŋ ase na kikɛ daa sasa nna.

Ezikɛl 40:29

Kumo be bekumpo be ebuana nɛ kabuna to be ebu na nɛ egbalana nɛ a bee barga ebuana na to na kikɛ daa du fanɛ amo nɛ a wɔ mbunagboŋ nɛ a ka ase na nna. Ebuana na gba daa kɔ etokuro nna. Kabunagboŋ ere gba be nteŋ daa la fanɛ ayadra aduburwa nɛ ana nna nɛ kumo be mparto malɛ daa la fanɛ ayadra adena nɛ anyɔ.

Ezikɛl 40:33

Kumo alɛ be bekumpo be ebuana, nɛ kabuna to be ebu na, nɛ egbalana nɛ a barga ebuana na to na, nɛ amo braana nɛ a wɔ mbunagboŋ nɛ a ka na ase na kikɛ la kukoŋwule nna. Kumo alɛ gba be bekumpo be ebuana na nɛ kabuna to be ebu na daa kɔ etokuro nna n chambɔ. Kumo be nteŋ to kikɛ koso ayadra aduburwa nɛ ana nɛ mparto kikɛ koso ayadra adena nɛ anyɔ nna.

Ezikɛl 40:36

Kumo alɛ gba daa kɔ bekumpo be ebuana nɛ egbalana nɛ b wora abii be ndibi be nduli n deŋi amo so nɛ kabuna to be ebu nɛ etokuro n chambɔ kumo fanɛ kelargato be kaseto be kabunagboŋ na gbagba nna chap. Kumo be nteŋ to daa la fanɛ ayadra aduburwa nɛ ana nɛ kumo be mparto malɛ daa la fanɛ ayadra adena nɛ anyɔ.

Ezikɛl 40:8

Ndoŋ nna nɛ kanyɛn na karga ebu nɛ k kilgi n shoŋi bɔrɛlambu ere nseŋ wu fanɛ yili kumo be kabuna to n ya fo epunto be egbal na sa fanɛ ayadra kuduana nna. Naŋ yili kabuna na to n ya fo kumo be akel to be egbalana na malɛ be kekama sa fanɛ ayadra ana nna.

Ezikɛl 42:5

Ebuana nɛ a wɔ kowu ere be awɔlto gbagba na daa maŋ wɔ mpar n fo nferinto peya na so. Nferinto peya na malɛ daa maŋ naa wɔ mpar n fo kaseto peya na so.