Ezikɛl 40:3 - EBƆRƐ BE KAWƆL

³ Nɛ Enyɛnpe Ebɔrɛ na firgi ma n taga amo to nɛ wu esa ko nɛ e bee nyɛkpɛ fanɛ b ka fifɛa danyaŋ so na, nɛ e kɔ wajɛchɛbi be kusɔ nɛ baa ta a karga asɔ be nteŋ nɛ kekpabi nɛ b kɔ a karga asɔ na mbe enɔ to nsaa yil kabunagboŋ ase ashi bɔrɛdare na to.

Ezikɛl 40:3 ပူးပေါင်းရင်းမြစ်များ

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Ezikɛl 1:27

Nɛ yili mbe kashɛr ase a yɔ mbe kumu ase du fanɛ danyaŋ nɛ k wɔ edɛ be nferinto na nɛ mbe kashɛr ase a yɔ mbe aya ase malɛ du fanɛ edɛ be adondulombi. Kakpa kikɛ daŋ fulto parr nna ŋ kulti mo

Ezikɛl 1:7

Bumo be aya daa maŋ kɔ echɛkpa amo alɛ nsaa kɔ alotobi fanɛ kenabi na. Alotobi na daa kpa edɛ nna fanɛ danyaŋ nɛ b fifɛa so nɛ k bee nyɛkpɛ so na.

Ezikɛl 41:1

Ade kikɛ be kaman, nɛ kanyɛn na naŋ keta ma n luri bɔrɛlambu na be ebu nɛ baa tre kakpa cheembi to. Nseŋ karga kumo be kedɛdɛ na, nɛ kumo be mparto daa sa fanɛ ayadra kudu,

Ezikɛl 42:16

E daŋ ta kekpabi karga asɔ na nna ŋ karga bɔrɛlambu na be epeŋilarkpa be kaba so na. Kumo be nteŋ to daa sa fanɛ ayadra alfa aburwa nɛ adena nna.

Ezikɛl 43:6

Ma nɛ kanyɛn na yil nna nɛ n nu Enyɛnpe Ebɔrɛ ka shi bɔrɛlambu na to ŋ kaŋɛ ma le:

Ezikɛl 47:3

Nɛ kanyɛn na ta mbe efɔl karga asɔ ŋ karga ateŋgreŋ alfa anu nɛ adeshe m bɛ kabombi na so ŋ gbelge to a yɔ epeŋilarkpa be kaba so nseŋ kaŋɛ ma fanɛ n luri nchu na to a nite to ndoŋ. Nchu na daa fo ma anaŋgbeltobi to nna.

Ezikɛl 8:2

Ndoŋ nna nɛ ŋ keni nseŋ wu kusɔ ko ka du fanɛ dimɛdi be kaduli ka yil a kpa edɛ. Yili kumo be kashɛr ase m ba aya ase daa du fanɛ edɛ na, nɛ yili kumo be kashɛr ase n dii a yɔ kumo be kumu ase malɛ daa nyɛkpɛ fanɛ danyaŋ nɛ b fɛfa so na.

Kelaraŋŋini 1:15

Mbe ayadra daa du fanɛ katishaŋ peper nna a kpa edɛ fanɛ b ka lara amo edɛ to m bel amo na nɛ mbe ebɔl malɛ daa gbri fanɛ nchu damta ka bee shile na.

Kelaraŋŋini 11:1

B daŋ ta kedibi ko fanɛ kekpabi nna n sa ma nseŋ kaŋɛ ma le: “Ta kumo n ya karga kananɛ Ebɔrɛ be lambu na sa nseŋ naŋ karga bɔrɛsure na nɛ basa nɛ b wɔ lambu na to a maŋ Ebɔrɛ so na gba.

Kelaraŋŋini 21:15

Malaika mo nɛ e daŋ malga ŋ kutɔ na daa kɔ shuwa be kekpabi nɛ b kɔ a karga asɔ enɔ to nna nɛ e ta ŋ karga kadegboŋ na nɛ kumo be mbuna nɛ kumo be egbal.