Ezikɛl 4:3 - EBƆRƐ BE KAWƆL

³ Ade kikɛ be kaman nɛ fo ta kebɛlso paŋgelambi ŋ kuŋ fo nɛ foto nɛ fo wora n deŋi kuboo na so na be nferinto fanɛ kebɛlso be egbal na, nseŋ kilgi fo anishito n shoŋi kebɛlso paŋgelambi na, nɛ k duli fanɛ fo kre kena nna ŋ kulti kade na n wɔtɔ. Kede beeŋ ba la tɔɔnɛ n sa Israɛl be basa na.

Ezikɛl 4:3 ပူးပေါင်းရင်းမြစ်များ

Aizaaya 20:3

B ka kɔ n sɔ Ashdɔd be kadegboŋ n loge na nɛ Enyɛnpe Ebɔrɛ na kaŋɛ le: “Nfɛ nsa nna na nɛ ma keyɛrbi Aizaaya delge so a nite aya fuloŋ. Kusɔ nɛ k beeŋ wora Ijipt nɛ Itiopia nna na.

Aizaaya 22:7

Ndoŋ nna nɛ egbaŋɛturko ba sɔ Juda be ataŋɛ to be adɔsawule lela kikɛ so nɛ esoji nɛ b tase egbaŋɛ so ba yili Jerusalɛm be mbunagboŋ be anishito kikɛ.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Jɛremaya 39:1

Zɛdikaya ka ji Juda be efuli so be kuwura be kafɛ kpanusopo to be kufɔl kudusopo to nɛ Babilɔn be ewura Nebukadneeza nɛ mbe benapo kikɛ fara a kɔ Jerusalɛm kena. Beeŋ wora fanɛ kafɛ nɛ bargato nɛ b daŋ kulti kadegboŋ na n wɔtɔ. Ewura Zɛdikaya ka ji kuwura be kafɛ kudukakosopo to be kufɔl nasopo to be kachɛ kpanusopo na nɛ b bure egbalana na n luri Jerusalɛm to. B ka kɔ n suge Jerusalɛm na be kaman, nɛ Babilɔn be ewura Nebukadneeza be benimugboŋana yili bumo be mbɛ n chena so ashi Nferinto be Kabunagboŋ na ase a ŋini fanɛ bumo e wɔ kadegboŋ na a keni so. Benimugboŋana na e daa la Nɛgal Shareza nɛ e shi Samga nɛ Nebo Sasekim nɛ e la krachigboŋ nimuso, n ta Nɛgal Shareza ko nɛ mo alɛ gba la krachi nimuso nɛ Babilɔn be ewura be ekrachi pɔtɛana kikɛ.

Ezikɛl 12:11

Kaŋɛ bumo fanɛ kusɔ nɛ fo wora n ŋini bumo na la tɔɔnɛ nna a ŋini kusɔ nɛ k beeŋ wora bumo echefoso. Kusɔ nɛ n wora ere e naaŋ tu menyi echefoso. Baaŋ pɛ menyi n tintiŋ menyi n yɔ efuli pɔtɛana so.

Ezikɛl 12:6

Shin nɛ b baa keni fo nɛ fo ta fo adiiku na n di keba nseŋ ta kusɔ m buu fo anishi so n lar n luri tentembiri to a yɔ, saŋɛ na so fo maaŋ wu m pin kakpa nɛ fee yɔ na. Kusɔ nɛ feeŋ wora na beeŋ baa la kusoe kpele n sa Israɛl be basa na.”

Ezikɛl 5:2

Jemanɛ nɛ fo kre kena ŋ kulti Jerusalɛm be foto nɛ fo wora n deŋi kejembu paŋgelambi na so na kaŋ fo ekar, nɛ fo chɔɔ emin na be katuŋ koŋwule kade nɛ fo wora kumo be foto na to, nseŋ ta bɔrfɔ na ŋ kuya emin na be katuŋ nyɔsopo to ŋ kulti kade na. Kumo be kaman nɛ fo ta katuŋ sasopo na n lɛ esoso nɛ ŋ gbagba e ta ma tokobi ŋ kuya amo to.

Danɛl 11:17

Ewura na beeŋ bela ase n ta mbe benapo kikɛ n ya kɔ kena a fin kedii m pugi efuli na kikɛ so. Kumo be kaman nɛ e baa fin fanɛ mo nɛ mo doŋana na e wora kɔnɔkoŋwule nseŋ ta mo pibiche n sa Ijipt be efuli so be ewura na fanɛ e kil. Ama amo nɛ amo kikɛ ŋkre na maaŋ tiŋ n nyalɛ kikɛ.

Levitikɔs 2:5

Nɛ fanɛ b ta ayu na a wora abuibi nna, kumo ere b ta nyifu nɛ a pe nɛnɛ nseŋ ta ɔlif be ŋku n wea amo to n wora nɛ e sa maa kɔ yiisi.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.