Ezikɛl 32:2 - EBƆRƐ BE KAWƆL

² “Dimɛdi pibi, Ezikɛl, kaŋɛ Ijipt be ewura, Fɛɛro, kenishipere be kasokpele be kubɔya ere fanɛ n yɛ: ‘Fee wora fanɛ buluŋ nna ashi efuliana na to, ama fo alɛ baa la fanɛ lɔr to be laŋchaŋ nɛ fee bri nchu to nna a jija amo.

Ezikɛl 32:2 ပူးပေါင်းရင်းမြစ်များ

Jɛnesis 49:9

Juda, fo du fanɛ buluŋ nna, mo e naa pɔɔ mo braana asɔbɔya so a mɔ bumo, nsaa bɛta a yɔ mbe eŋanakpa n ya kaa teŋi to a dese na. Wanɛ e naaŋ tiŋ n tɔrɔ mo?

Job be kawɔl 41:23

Kumo be kawɔl be kaplɛkama maŋ du pɔtɔ pɔtɔ, kumo kikɛ baa du kpakpa nna fanɛ kebɛlso na.

Job be kawɔl 7:12

M maŋ la teku ŋko kusɔ gbeyeso gboŋ nɛ k wɔ teku chiŋgeliŋ to nɛ fo ti ma n wɔtɔ a kuŋ ma.

Aŋasa 25:26

Esa nɛ e bee wora asheŋ niŋiso baŋ yige mbe kumu to n sa esa lubi, e bee ki fanɛ nchu nɛ a fɔnɔto ŋko eboŋ nɛ b bɔ kumo kesa nna.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Aŋasa 30:30

Buluŋ nɛ e la asɔbɔya to be enyɛn nsaa maa tu shɛŋ a bɛta kaman na,

Aizaaya 27:1

Kamɔnchɛ kaŋ fo, Enyɛnpe Ebɔrɛ na beeŋ ta mbe tokobi nɛ k kɔ eleŋ ga na ŋ gberge kusɔbɔya gbeyeso gboŋgboŋi nɛ k wɔ teku to nɛ baa tre kumo Liviatan na kusoe m mɔ kumo.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Jɛremaya 46:7

Efuli mo nde, nɛ k koso fanɛ kananɛ Nail be Lɔrgboŋ na bee bɔlɔ a dii kumo be agurɔŋgu so ashi Ijipt be efuli so?

Jɛremaya 46:8

Ijipt e koso fanɛ Nail na; k koso fanɛ lɔr ka bɔlɔ n dii kumo be agurɔŋgu so nna. Ijiptebi yɛ: ‘Anyeeŋ koso m buu durnya kikɛ so, anyeeŋ mur ndegboŋana nɛ amo to be basa.

Jɛremaya 9:18

Kumo be kaman nɛ basa na kaŋɛ le: “Kaŋɛ beche na nɛ b nya manaŋ m boŋ awɔba n sa anyi; saŋɛ na so anyeeŋ shu m bure anishi.”

Ezikɛl 26:17

Saŋɛ na so nɛ b boŋ keeli be kashɛ ere n laŋɛ menyi kaplɛa so. Kadegboŋ nɛ k nya ketre ga na mur! Kumo be nchu so be ekuloŋgboŋ kikɛ mur teku so. Kumo to be basa e daa ji eteku so kuwura nseŋ daa ta kufu a wɔtɔ basa nɛ b chena teku ase na.

Ezikɛl 27:2

“Dimɛdi pibi, Ezikɛl, boŋ keeli be kashɛ ere a laŋɛ Tayɛ nɛ k la

Ezikɛl 27:32

Baaŋ boŋ awɔba n shu ŋ kaŋɛ le: ‘Wanɛ nɛ anyeeŋ ta ŋ keshɛr Tayɛ so, Tayɛ nɛ e dese teku to shruum le ere?

Ezikɛl 28:12

“Dimɛdi pibi, boŋ awɔba n sa Tayɛ be ewura, nseŋ kaŋɛ mo kusɔ nɛ ma, Enyɛnpetale Ebɔrɛ na bee kaŋɛ na fanɛ, jemanɛ ko fo kusɔ kama daa bɛ abar so dede nna nsaa la tɔɔnɛ. Fo alɛ daa nyi asheŋ ga nseŋ daa walɛ keyɛrbi nna.

Ezikɛl 29:15

Kumo e la fanɛ baaŋ baa la basa nɛ b maaŋ naa kɔ eleŋ nseŋ naŋ tiŋ n ji efuliana ko so kuwura. Meeŋ shin nɛ b ki efuli jiga nɛ k maaŋ naŋ tiŋ n tintiŋ efuli ko nɛ efuli na e wora kumo be aparsheŋ.

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Ezikɛl 32:16

Kasokpele ere beeŋ baa la awɔba nɛ efuli pɔtɛana so be beche e boŋ kumo n shu Ijipt nɛ kumo be basa kikɛ be keeli. Ma, Enyɛnpetale Ebɔrɛ e kaŋɛ na.”

Ezikɛl 32:18

E yɛ: “Dimɛdi pibi, baa shu ŋkpal Ijipt be basa damta so nseŋ shin nɛ b pin fanɛ bubuni to e daga bumo. Ndoŋ e la kakpa nɛ baaŋ ta bumo nɛ efuli pɔtɛana nɛ a kɔ eleŋ ga na be basa n ya puli.”

Ezikɛl 34:18

Menyi be beko ji ajibi lela nna ŋkukwe; nsaa chichi amo nɛ menyi maŋ ji so a wea shishɛr to! Menyeeŋ nuu nchu lela nna nseŋ gbar nchu nɛ menyi maaŋ nuu na to!

Ezikɛl 38:13

Saŋɛ na so nɛ Sheba nɛ Dedan be efuliana so be basa nɛ Speen be efuli so be ndeana to be eyawujipo e bishi fo fanɛ fo gama fo benapo abar so nna nɛ fo kɔ n suge asɔ fanɛ shuwa nɛ gbiti nɛ asɔbɔya kikɛ n yɔ a?

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.