Ezikɛl 3:8 - EBƆRƐ BE KAWƆL

⁸ Ŋkpal loŋ so, meeŋ shin nɛ fo kusoe nɛ kagbene e baa du kpakpa fanɛ bumo peya.

Ezikɛl 3:8 ပူးပေါင်းရင်းမြစ်များ

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

Aizaaya 50:7

Enyɛnpetale Ebɔrɛ na ka bee chɛ ma to so, bumo be katege maaŋ tiŋ n shin nɛ n ji anishinyɔr. Amoso mee leŋ ma kumu to nna, ma alɛ maa sa bumo kashuli. Ŋkpal manɛ so, n nyi fanɛ m maaŋ ji anishinyɔr.

Jɛremaya 1:18

Jɛremaya, nu nfe! Juda be bewura nɛ benimuana nɛ bɔrɛmatapoana nɛ basa na kikɛ beeŋ nya agbo a kɔ fo. Ama meeŋ wora fo eleŋ to kabre, nɛ fo tiŋ n yili to n tu bumo ŋ kɔ. Feeŋ baa du fanɛ kadegboŋ nɛ b pɔr egbal lempo ŋ kulti kumo ŋko kebɛlso tenteŋ ŋko danyaŋ peper be egbal nɛ b maaŋ tiŋ ŋ kɔ m pɔɔ fo so kikɛ. Ŋkpal manɛ so, meeŋ baa wɔ fo kutɔ a kuŋ fo. Ma, Enyɛnpe Ebɔrɛ e kaŋɛ na.”

Jɛremaya 15:20

Meeŋ shin nɛ fo ki fanɛ epal be egbal lempo basa kutɔ. Baaŋ kɔ fo ama b maaŋ tiŋ m pɔɔ fo so. Meeŋ baa wɔ fo kutɔ a kuŋ fo nɛ shɛŋ shɛŋ maaŋ wora fo.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Ezikɛl 3:9

Ma alɛ beeŋ naŋ shin nɛ fo kumu e ki kpakpa fanɛ kejembu kpakpaso nɛ k du kpakpa a chɔ kewarbi. Amoso, sa maa ŋana bumo ŋko n shin nɛ bumo be asheŋ e baa da fo kufu, ŋkpal b ka la basa nɛ b kini ma nseŋ pal kaman n sa ma so.”

Maika 3:8

Ama Enyɛnpe Ebɔrɛ na ta mbe Kiyoyu nɛ mbe eleŋ na nna n wɔtɔ ma ere to, nseŋ shin nɛ n nya kenyɛn a ji asheŋ nɛ amo be ekpa so nsaa tiŋ a kaŋɛ Israɛl be basa bumo be alubi.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.