Ezikɛl 3:3 - EBƆRƐ BE KAWƆL

³ Kumo be kaman nɛ e kaŋɛ ma: “Dimɛdi pibi, ta kawɔl sibɛso nɛ n sa fo ere n ji fanɛ ajibi m moɛ.” Nɛ n ta kumo n ji. K daa du belbel ma kɔnɔ to nna fanɛ mushoŋ.

Ezikɛl 3:3 ပူးပေါင်းရင်းမြစ်များ

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 119:103

Fo mbraana bee wora ma ebel a chɔ mushoŋchu gba.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:97

Mee sha fo mbraana na ga! Mee fɛ amo be asheŋ kachɛ lelemu kikɛ nna.

Nshɛ 19:10

A walɛ a chɔ shuwa lela kikɛ, hale shuwa nɛ k maŋ kɔ eyurpi gba. Enyɛnpe be mbra wɔ ebel a chɔ mushoŋchu, hale mushoŋchu nɛ a maŋ kɔ eyurpi gba.

Nshɛ 19:11

Enyɛnpe be mbra na bee kpele basa kusoe nna. Basa nɛ baa bɛ amo so bee nya tɔnɔ gboŋgboŋi nna.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 6:11

Enyɛnpe Ebɔrɛ, kananɛ fo nya agbo n wɔtɔ Juda be basa na nɛ ma alɛ gba nya agbo ma kagbene to n wɔtɔ bumo. K bee chɔɔ ma kagbene to nɛ m maaŋ naŋ tiŋ ŋ keta kumo gba.” Ndoŋ nna nɛ Enyɛnpe Ebɔrɛ kaŋɛ ma le: “Shin nɛ ma agbo e ba mbia nɛ b wɔ agbembi so nɛ mbifɔlbi nɛ baa shɛr abar so na so. Bedoŋ beeŋ pɛ bekul nɛ bumo be beche kikɛ nɛ basa nɛ b bel ga na n yɔ efuli pɔtɛana so.

Ezikɛl 2:10

Ndoŋ nna nɛ enɔ na bugi kawɔl sibɛso na to nɛ n wu fanɛ kushu nɛ kagbene jija be yiri kikɛ be asheŋ nɛ b sibɛ n deŋi kumo be mba anyɔ na kikɛ so.

Ezikɛl 2:8

Ama fo ere, dimɛdi pibi, nu kusɔ nɛ mee kaŋɛ fo ere, nsaa maŋ kini ma m pal kaman n sa ma fanɛ bumo. Amoso bugi kɔnɔ n sɔ kusɔ nɛ mee sa fo ere n ji fanɛ ajibi.”

Ezikɛl 3:4

Ndoŋ nna nɛ Enyɛnpe Ebɔrɛ na naŋ kaŋɛ ma: “Dimɛdi pibi, naniere yɔ Israɛl be basa na kutɔ n ya kaŋɛ bumo kusɔ kama nɛ meeŋ kaŋɛ fo.

Baru lela nɛ Jɔn kute na 7:38

Esa kama nɛ e yirda ma, nchu nɛ a bee sa ŋkpa na e naaŋ ba lar mo to fanɛ kananɛ abɔrɛsibɛ na bee kaŋɛ na.”

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.