Ezikɛl 27:3 - EBƆRƐ BE KAWƆL

³ kadegboŋ nɛ k chena m mata teku ase nsaa tu basa nɛ b chena teku ase nɛ mboŋ damta a ji yawu na be kaplɛa so. Kusɔ nɛ Enyɛnpetale Ebɔrɛ na bee kaŋɛ a laŋɛ Tayɛ be kaplɛa so e la fanɛ Tayɛ, fee puchi ŋkpal kananɛ fo walɛ kebita ga so nna.

Ezikɛl 27:3 ပူးပေါင်းရင်းမြစ်များ

Nshɛ 50:2

Ebɔrɛ wɔ kadegboŋ nɛ k walɛ ga, nɛ baa tre kumo Jerusalɛm na to a kpa edɛ pɛlpɛl nna.

Nshɛ 83:7

nɛ basa nɛ b shi Gebal nɛ Ammɔn nɛ Amalɛk be efuliana so, nɛ Filisti nɛ Tayɛ be ndegboŋana to.

Aŋasa 31:14

E du fanɛ yawujipo nna a fin ajibi kaplɛkama a ba epe.

Aizaaya 23:11

Enyɛnpe Ebɔrɛ na teŋi mbe enɔ to m baŋ teku so n ya shin nɛ kufugboŋ tɔr efuliana na so. Mo alɛ yili kumo nna fanɛ Fenisha be efuli so be ndegboŋ nɛ b pɔr egbal lempoana ŋ kulti na kikɛ beeŋ mur.

Ezikɛl 16:15

Ama fo shin nɛ fo kela na luri fo kumu to nɛ fo ki sakaleche nsaa ta fo kumu a sa enyɛn kama nɛ e kra fo a choŋ.

Ezikɛl 26:12

Ade kikɛ be kaman, baaŋ suge menyi be kedama nɛ menyi be asɔ faso. Bumo alɛ beeŋ bure menyi be egbalana nɛ menyi be nwu lela kikɛ nseŋ gbare ajembu na nɛ ndibi na nɛ eshishɛr na n ya lɛ teku to.

Ezikɛl 26:17

Saŋɛ na so nɛ b boŋ keeli be kashɛ ere n laŋɛ menyi kaplɛa so. Kadegboŋ nɛ k nya ketre ga na mur! Kumo be nchu so be ekuloŋgboŋ kikɛ mur teku so. Kumo to be basa e daa ji eteku so kuwura nseŋ daa ta kufu a wɔtɔ basa nɛ b chena teku ase na.

Ezikɛl 27:4

Teku kulti fo echenakpa nna n wɔtɔ. B pɔr fo, fanɛ nchu so be kuloŋ lela nna;

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”