Ezikɛl 26:9 - EBƆRƐ BE KAWƆL

⁹ Ade be kaman nɛ mbe benapo na e ta ndibi gbɛgbɛso n da egbalana na n lɛ nseŋ ta akɔsɔ m bure m bure menyi be ebu jeŋgreŋana nɛ menyee yili so a keni a wu kufɔ na.

Ezikɛl 26:9 ပူးပေါင်းရင်းမြစ်များ

2 Kronikɛls 26:15

Mbe beshumpo nɛ b nyi kushuŋ nɛnɛ na be beko daŋ lɔŋɛ akɔsɔ ko nɛ baa ta a to atanyembi nɛ ajembu gboŋgboŋi nna. Ewura Uziya daŋ ta loŋ be akɔsɔ na nna n yili atempreŋ jeŋgreŋ nɛ a wɔ Jerusalɛm be egbal na be abonfu na so nna. Ebɔrɛ daŋ chɛ ewura Uziya to nna nɛ e ji eleŋ ga nɛ mbe ketre malɛ dii ashi durnya ere be efuli kikɛ so.

Ezikɛl 21:22

Nɛ e baaŋ ta enɔjiso m pee ketanyembi nɛ b sibɛ ‘Jerusalɛm’ n deŋi kumo so a ŋini fanɛ b kɔ kumo kena, e beeŋ shin nɛ b foŋ kabel n sa benapo ekpa nɛ b ya kulti kadegboŋ na n wɔtɔ, nseŋ koli eshishɛr n deŋi abar so ŋ gbuŋ egbal nɛ k kulti kade na, saŋɛ na so baaŋ bɔla amo so n dii n luri kade na to ŋ kɔ basa na kena. Bumo alɛ beeŋ naaŋ ta ndibi gbɛgbɛso n da kade na be mbunagboŋ na m bugi n n luri to.

Ezikɛl 26:10

Mbe egbaŋɛ be keshi ga so amo be kalabɛr beeŋ buu menyi so fanɛ kunyɔlɔ na. Benapo na kaa luri menyi be ndeana to, bumo be egbaŋɛ nɛ egbaŋɛturko wurbi nɛ agboŋi kikɛ be egbri beeŋ shin nɛ menyi be ebuana be egbalana a gbuŋgbuŋ fɔŋfɔŋ saŋɛ nɛ b wɔ men be nde nɛ b bure na to na.

Ezikɛl 26:4

Baaŋ bure egbalana nɛ men pɔr ŋ kulti menyi be kadegboŋ na nɛ menyi be ebu jeŋgreŋana nɛ menyee yili so a wu kufɔ na. Kumo be kaman nɛ ŋ gbare kumo be shishɛr na n lɛ nseŋ ka kefalta fuloŋ n nase.

Ezikɛl 26:8

E beeŋ juŋkpar ŋ kɔ basa nɛ b chena teku ase na m mɔ bumo. Kumo be kaman nɛ e gbare eshishɛr n deŋi abar so nɛ a fo menyi be ndeana na be egbalana be esoso nɛ mbe benapo e keta bumo be abɛlso be asɔ kuŋamuso m bɛ abar so ŋ kulti menyi n wɔtɔ fanɛ egbal lempo na.