Ezikɛl 26:2 - EBƆRƐ BE KAWƆL

² “Dimɛdi pibi, Ezikɛl, kadegboŋ nɛ baa tre Tayɛ na be basa daŋ ji eyur nna nseŋ boŋ kashɛ ere ŋkpal Jerusalɛm ka daŋ kɔ n tɔr so: ‘Jerusalɛm bure n tɔr! Nɛ kumo be yawu be keji be eleŋ loge! Amoso k maaŋ naa kɔ anyi kukɔrkɔ ŋkpal yawu be keji so!’

Ezikɛl 26:2 ပူးပေါင်းရင်းမြစ်များ

2 Samuɛl 5:11

Kede be kaman nɛ Taye be ewura Hiram shuŋi mbɔ ewura Deevid kutɔ nseŋ sa mo ndibi nɛ baa tre sida na n ta ekapɛnta nɛ basa nɛ baa ta ajembu a pɔr n ti so fanɛ b ya pɔr ewura be laŋ n sa Deevid.

Nshɛ 35:21

Baa nya manaŋ a ku asheŋ a deŋi ma nna; nsaa ponte a kaŋɛ le: “An gbagba be kenishi e wu kusɔ nɛ fo wora.”

Nshɛ 40:15

Shin nɛ anishinyɔr gboŋgboŋi e pɛ bekama nɛ baa kaŋɛ ma le na: “Men keni kananɛ e ki a.” Nɛ kufu e pɛ bumo nɛ b baa chicha.

Nshɛ 40:16

Enyɛnpe Ebɔrɛ, shin nɛ bumo nɛ baa bunyaŋ fo na be ŋgbene e fuli bumo nɛ b ji eyur. Shin nɛ bekama nɛ baa sha fo kumɔlga na e baa kaŋɛ le saŋkama: “Enyɛnpe Ebɔrɛ na shibi ga.”

Nshɛ 70:3

Shin nɛ anishinyɔr nɛ nyɔmɔ e ji bekama nɛ baa kaŋɛ ma le na: “Men keni kananɛ e ki.”

Nshɛ 83:7

nɛ basa nɛ b shi Gebal nɛ Ammɔn nɛ Amalɛk be efuliana so, nɛ Filisti nɛ Tayɛ be ndegboŋana to.

Aizaaya 62:10

Jerusalɛmebi, men lar kadegboŋ na to n ya lɔŋɛ ekpa n sa menyi be basa nɛ baa bɛta a ba na! Men lɔŋɛ ekpagboŋ nɛ ajembu e sa maa wɔ kumo so. Kumo be kaman nɛ men yili tuta nɛ k baa la tɔɔnɛ n sa efuli pɔtɛana na nɛ b tiŋ n wu ekpa m bɔla so.

Jɛremaya 27:3

Kumo be kaman nɛ Enyɛnpe Ebɔrɛ na naŋ kaŋɛ ma fanɛ n ta kubɔya m bɔla efuliana nɛ baa tre Edɔm nɛ Mowab nɛ Ammɔn nɛ ndegboŋ nɛ baa tre Tayɛ nɛ Sidɔn be katelamu yilipoana nɛ b ba Jerusalɛm to m ba wu ewura Zɛdikaya na so, nɛ b ta kumo n ya sa bumo be bewuraana.

Jɛremaya 47:4

Filistiebi be kemur be saŋɛ fo, saŋɛ fo nɛ bumo be ndegboŋ nɛ baa tre Tayɛ nɛ Sidɔn na e mur nɛ b maaŋ naŋ nya kechɛto. Ma, Enyɛnpe Ebɔrɛ na e naaŋ mur Filistiebi nɛ b shi keplasawule nɛ baa tre Kriit na m ba na.

Jɛremaya 49:1

Kusɔ nɛ Enyɛnpe Ebɔrɛ na kaŋɛ a laŋɛ Ammɔn be efuli so be kaplɛa so nde: “Israɛl be basa kɔ mbi damta nɛ baaŋ ji kasawule na be kapetɛ. Nɛ manɛ nna nɛ b shin nɛ basa nɛ baa shuŋ kegbir nɛ baa tre Mɔlɛk na sɔ Gad be yiri to ebi be kebonfu be nsawule so n chena so?

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Ezikɛl 25:10

Kumo be kaman nɛ n shin nɛ eyiriana nɛ b shi epeŋilarkpa be kaba so be keshishɛrsawule so na e ba kɔ m pɔɔ Mowab be efuli so be basa nɛ Ammɔn be efuli so be basa kikɛ so. Kananɛ ŋ gberge Ammɔn be basa kusoe ashi efuliana na so nɛ esa maaŋ naŋ nyiŋi bumo be asheŋ na

Ezikɛl 25:6

Kusɔ nɛ ma, Enyɛnpetale Ebɔrɛ na bee kaŋɛ e la fanɛ men daŋ kpla enɔ nseŋ daŋ tɛto kagbenefuliso a ŋini kekishi nɛ men kɔ n sa Israɛl be basa nna.

Ezikɛl 25:8

Kesheŋ ere be kaman nɛ Enyɛnpetale Ebɔrɛ na naŋ kaŋɛ le: “Mowab be efuli so be basa nɛ Edɔm be efuli so be basa daŋ kaŋɛ fanɛ Juda be efuli so gba baa du fanɛ efuli kama nna.

Ezikɛl 26:1

B ka pɛ ewura Jehowachin nɛ anyi be galeŋga kenya n yɔ Babilɔn be efuli so na be kafɛ kudukakosopo na to be kufɔl na be kachɛ juŋkparso na nɛ Enyɛnpe Ebɔrɛ na kaŋɛ ma le:

Ezikɛl 35:10

Hale ma Enyɛnpe Ebɔrɛ na ka daa la Juda nɛ Israɛl be Ebɔrɛ na gba, men daŋ kaŋɛ nna fanɛ bumo be efuliana be nsawule kikɛ la menyeya nna nseŋ daa sha keta amo ŋ ki menyeya.

Ezikɛl 36:2

Enyɛnpetale Ebɔrɛ na kɔ n sa amo. Israɛl mo doŋana daŋ malga mmalga jiga ŋ kaŋɛ fanɛ, Naniere abee dra na ki bumo peya nna!

Jowɛl 3:4

Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.

Joshuwa 19:29

Ndoŋ nɛ k yili ŋ kilgi n sɔ Rama n ta n ya fo kadegboŋ nɛ b pɔr egbal ŋ kulti nɛ baa tre Tai na n naŋ yili ndoŋ m bɔla Hosa n ya fo Mɛditerenia be Teku na nɛ Mahalab nɛ Akzib