3 Amoso bɔ keŋasa ere ŋ kaŋɛ ma basa nɛ b pal kaman n sa ma na. Kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ Wɔtɔ nchu kadaŋɛ na to, n ta kumo m bɛ edɛ so.
Ade be kaman nɛ Elaisha bɛta n yɔ Gilgaal nɛ akoŋgboŋ ko tɔr ndoŋ. E ka bee ŋini anebiana be katuŋ ko, nɛ e kaŋɛ mbe kayɛrbi fanɛ e ta kapuliya gboŋgboŋi n wora nyɔto n sa bumo.
Ama Ebɔrɛ beeŋ shin nɛ jɛrbi e ba kadegboŋ nɛ baa tre “Ebɔrɛ be bɔrɛsure” na so. Kagbenejija nɛ kushu beeŋ baa wɔ kadegboŋ na to nɛ k ki fanɛ bɔrɛsure nɛ ŋklaŋ gbiti kumo kikɛ na.
Enyɛnpe Ebɔrɛ na yɛ: “Asheŋ maaŋ nyalɛ n sa basa nɛ baa ji kuwura Juda be efuli so na ŋkpal b ka lar ma kaman a maa nu a sa ma so. Baa bɛ ŋkre nɛ m maŋ wora so nna nseŋ shin nɛ bumo nɛ efuli ko so ebi bee wora kɔnɔkoŋwule be ŋkre nɛ m maa sha kumo be loŋ. B wɔtɔ nna a wora alubi a deŋi abar so.
Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.
Kede be kaman nɛ Enyɛnpe Ebɔrɛ na naŋ bishi ma le: “Manɛ nɛ fo naŋ wu n ti so?” Nɛ ŋ kaŋɛ mo le: “N wu nchu ka wɔ kapuliya to a bɛ edɛ so a falte ashi kelargato be esoso be kaba so. K gbɛto nna n shoŋi anyi be kaba so, a sha ketɔr nɛ shudɛ na e wurge.”
Kadegboŋ ere maaŋ kuŋ menyi bejuŋkparpo na fanɛ kananɛ kapuliya bee kuŋ eblaŋ nɛ a wɔ kumo to na. Meeŋ ji menyi demu kaplɛkama nɛ men wɔ ashi Israɛl be efuli so nɛ men ji n tɔr.
Le nɛ kaa kaŋɛ: ‘K maaŋ chɛr nɛ an naa pɔr nwu. Kadegboŋ ere du fanɛ kapuliya nna a bɛ edɛ so nɛ anyi alɛ du fanɛ eblaŋ a wɔ kumo to, ama kanaŋkama nɛ asheŋ du k bee kuŋ anyi nɛ anyi maŋ wɔ edɛ to gbagba.’
“Amoso kusɔ nɛ Enyɛnpetale Ebɔrɛ kaŋɛ e la fanɛ basa nɛ men mɔ n lɛ kaplɛkama na e ki eblaŋ nɛ kadegboŋ na malɛ ki kapuliya ama e beeŋ tintiŋ menyi n lar Jerusalɛm to.
“Dimɛdi pibi, Ezikɛl, fo nɛ basa nɛ b pal kaman n sa ma e wɔtɔ. B kɔ anishi, bumo alɛ kini kewu asɔ nɛ mee ŋini bumo. B kɔ asoe, bumo alɛ kini kenu ma mmalga. Ŋkpal manɛ so b pal kaman nna n sa ma.
Ma, Enyɛnpe Ebɔrɛ na e naŋ malga n sa bumo nɛ kusɔ nɛ meeŋ kaŋɛ na a wora. Menyi basa nɛ men pal kaman n sa ma ere bre be jemanɛ to, meeŋ wora kusɔ kama nɛ ŋ kpele menyi kumo be kusoe fanɛ meeŋ wora na. Ma, Enyɛnpetale Ebɔrɛ e kaŋɛ na.”
“Bishi Israɛl be basa nɛ b pal kaman n sa ma ere fanɛ b pin keŋasa ere be kefito a? Kaŋɛ bumo fanɛ Babilɔn be efuli so be ewurgboŋ e ba Jerusalɛm to m ba pɛ Juda be ewura nɛ mbe benimuana m bɛta n yɔ Babilɔn be efuli so.
“Dimɛdi pibi, mee shuŋi fo Israɛl be basa kutɔ nna. Ŋkpal manɛ so, kananɛ bumo tutoana kikɛ daŋ pal kaman n sa ma nseŋ kini kenu n sa ma na nɛ bumo alɛ gba bee wora hale nɛ mbre na.
Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.
Ama fo ere, dimɛdi pibi, nu kusɔ nɛ mee kaŋɛ fo ere, nsaa maŋ kini ma m pal kaman n sa ma fanɛ bumo. Amoso bugi kɔnɔ n sɔ kusɔ nɛ mee sa fo ere n ji fanɛ ajibi.”
Kusɔ nɛ Enyɛnpetale Ebɔrɛ na bee kaŋɛ e la fanɛ asheŋ maaŋ nyalɛ n sa Jerusalɛm be kadegboŋ nɛ kumo to be basa bee mɔ basa ere! K du fanɛ kadaŋɛ kreŋ so nɛ b maŋ naŋ fɔr kumo na nna. Baa lara eblaŋ na kukoko to nna nɛ esa kikɛ be shɛŋ maŋ wɔ kusɔ nɛ k bee wora na to.
Ma alɛ beeŋ naŋ shin nɛ fo kumu e ki kpakpa fanɛ kejembu kpakpaso nɛ k du kpakpa a chɔ kewarbi. Amoso, sa maa ŋana bumo ŋko n shin nɛ bumo be asheŋ e baa da fo kufu, ŋkpal b ka la basa nɛ b kini ma nseŋ pal kaman n sa ma so.”
Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’
Ndoŋ nna nɛ Juwebi be benimuana na wora ania a fin kananɛ baaŋ wora m pɛ mo, ŋkpal manɛ so, b daŋ pin fanɛ bumo nɛ e daŋ bɔ keŋasa na, ama bumo alɛ daa ŋana jimaŋ na nna, amoso, b daŋ yige mo nna nseŋ yɔ.
Nɛ e kaŋɛ: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama aŋasa to nɛ basa pɔtɛ bre beeŋ nu Ebɔrɛ be kuwura na to be asheŋ. Loŋ nɛ baaŋ keni, ama b maaŋ wu shɛŋ, baaŋ nu, ama b maaŋ pin to.”
Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.